༨. ལོ་མ་ས་ཀ་ངྒི་ཡ་ཏྠེ་ར་ཨ་པ་དཱ་ནཾ
༢༢༥. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༢༢༦. ‘‘ཏ་དཱ་ཧཾ ཙ་ནྡ་ནོ ཙེ་ཝ, པ་བྦ་ཛི་ཏྭཱ་ན སཱ་ས་ནེ;
ཨཱ་པཱ་ཎ་ཀོ་ཊི་ཀཾ དྷ་མྨཾ, པཱུ་ར་ཡི་ཏྭཱ་ན སཱ་ས་ནེ.
༢༢༧. ‘‘ཏ་ཏོ ཙུ་ཏཱ ས་ནྟུ་སི་ཏཾ, ཨུ་པ་པ་ནྣཱ ཨུ་བྷོ མ་ཡཾ;
ཏ་ཏྠ དི་བྦེ་ཧི ན་ཙྩེ་ཧི, གཱི་ཏེ་ཧི ཝཱ་དི་ཏེ་ཧི ཙ.
༢༢༨. ‘‘རཱུ་པཱ་དི་ད་ས་ཧ་ངྒེ་ཧི, ཨ་བྷི་བྷོ་ཏྭཱ་ན སེ་ས་ཀེ;
ཡཱ་ཝ་ཏཱ་ཡུཾ ཝ་སི་ཏྭཱ་ན, ཨ་ནུ་བྷོ་ཏྭཱ མ་ཧཱ་སུ་ཁཾ.
༢༢༩. ‘‘ཏ་ཏོ ཙ་ཝི་ཏྭཱ ཏི་ད་སཾ, ཙ་ནྡ་ནོ ཨུ་པ་པ་ཛྫ་ཐ;
ཨ་ཧཾ ཀ་པི་ལ་ཝ་ཏྠུ་སྨིཾ, ཨ་ཛཱ་ཡིཾ སཱ་ཀི་ཡ་ཏྲ་ཛོ.
༢༣༠. ‘‘ཡ་དཱ ཨུ་དཱ་ཡི་ཏྠེ་རེ་ན, ཨ་ཛ྄ཛྷི་ཊྛོ ལོ་ཀ་ནཱ་ཡ་ཀོ;
ཨ་ནུ་ཀ་མྤི་ཡ ས་ཀྱཱ་ནཾ, ཨུ་པེ་སི ཀ་པི་ལ་ཝ྄ཧ་ཡཾ.
༢༣༡. ‘‘ཏ་དཱ་ཏི་མཱ་ནི་ནོ ས་ཀྱཱ, ན བུ་དྡྷ་སྶ གུ་ཎ་ཉྙུ་ནོ;
པ་ཎ་མ་ནྟི ན ས་མྦུ་དྡྷཾ, ཛཱ་ཏི་ཐ་དྡྷཱ ཨ་ནཱ་ད་རཱ.
༢༣༢. ‘‘ཏེ་སཾ ས་ངྐ་པྤ་མ་ཉྙཱ་ཡ, ཨཱ་ཀཱ་སེ ཙ་ངྐ་མཱི ཛི་ནོ;
པ་ཛྫུ་ནྣོ ཝི་ཡ ཝ་སྶི་ཏྠ, པ་ཛྫ་ལི་ཏྠ ཡ་ཐཱ སི་ཁཱི.
༢༣༣. ‘‘ད་སྶེ་ཏྭཱ རཱུ་པ་མ་ཏུ་ལཾ, པུ་ན ཨ་ནྟ་ར་དྷཱ་ཡ་ཐ;
ཨེ་ཀོ་པི ཧུ་ཏྭཱ བ་ཧུ་དྷཱ, ཨ་ཧོ་སི པུ་ན་རེ་ཀ་ཀོ.
༢༣༤. ‘‘ཨ་ནྡྷ་ཀཱ་རཾ པ་ཀཱ་ས་ཉྩ, ད་སྶ་ཡི་ཏྭཱ ཨ་ནེ་ཀ་དྷཱ;
པཱ་ཊི་ཧེ་རཾ ཀ་རི་ཏྭཱ་ན, ཝི་ན་ཡཱི ཉཱ་ཏ་ཀེ མུ་ནི.
༢༣༥. ‘‘ཙཱ་ཏུ་དྡཱི་པོ མ་ཧཱ་མེ་གྷོ, ཏཱ་ཝ་དེ་ཝ པ་ཝ་སྶ་ཐ;
ཏ་དཱ ཧི ཛཱ་ཏ་ཀཾ བུ་དྡྷོ, ཝེ་སྶ་ནྟ་ར་མ་དེ་ས་ཡི.
༢༣༦. ‘‘ཏ་དཱ ཏེ ཁ་ཏྟི་ཡཱ ས་བྦེ, ནི་ཧ་ནྟྭཱ ཛཱ་ཏི་ཛཾ མ་དཾ;
ཨུ་པེ་སུཾ ས་ར་ཎཾ བུ་དྡྷཾ, ཨཱ་ཧ སུ་དྡྷོ་ད་ནོ ཏ་དཱ.
༢༣༧. ‘‘‘ཨི་དཾ ཏ་ཏི་ཡཾ ཏ་ཝ བྷཱུ་རི་པ་ཉྙ, པཱ་དཱ་ནི ཝ་ནྡཱ་མི ས་མ་ནྟ་ཙ་ཀྑུ;
ཡ་དཱ་བྷི་ཛཱ་ཏོ པ་ཐ་ཝཱི པ་ཀ་མྤ་ཡཱི, ཡ་དཱ ཙ ཏཾ ན་ཛྫ་ཧི ཛ་མྦུ་ཚཱ་ཡཱ’.
༢༣༨. ‘‘ཏ་དཱ བུ་དྡྷཱ་ནུ་བྷཱ་ཝཾ ཏཾ, དི་སྭཱ ཝི་མྷི་ཏ་མཱ་ན་སོ;
པ་བྦ་ཛི་ཏྭཱ་ན ཏ་ཏྠེ་ཝ, ནི་ཝ་སིཾ མཱ་ཏུ་པཱུ་ཛ་ཀོ.
༢༣༩. ‘‘ཙ་ནྡ་ནོ དེ་ཝ་པུ་ཏྟོ མཾ, ཨུ་པ་ག་ནྟྭཱ་ནུ་པུ་ཙྪ་ཐ;
བྷ་དྡེ་ཀ་ར་ཏྟ་སྶ ཏ་དཱ, ས་ངྑེ་པ་ཝི་ཏྠཱ་རཾ ན་ཡཾ.
༢༤༠. ‘‘ཙོ་དི་ཏོ་ཧཾ ཏ་དཱ ཏེ་ན, ཨུ་པེ་ཙྩ ན་ར་ནཱ་ཡ་ཀཾ;
བྷ་དྡེ་ཀ་ར་ཏྟཾ སུ་ཏྭཱ་ན, སཾ་ཝི་གྒོ ཝ་ན་མཱ་མ་ཀོ.
༢༤༡. ‘‘ཏ་དཱ མཱ་ཏ་ར་མ་པུ་ཙྪིཾ, ཝ་ནེ ཝ་ཙྪཱ་མི ཨེ་ཀ་ཀོ;
སུ་ཁུ་མཱ་ལོ་ཏི མེ མཱ་ཏཱ, ཝཱ་ར་ཡཱི ཏཾ [ཏེ (སྱཱ. པཱི. ཀ.)] ཏ་དཱ ཝ་ཙཾ.
༢༤༢. ‘‘ཀཱ་སཾ [ད་བྦཾ (སཱི. སྱཱ. པཱི.)] ཀུ་སཾ པོ་ཊ་ཀི་ལཾ, ཨུ་སཱི་རཾ མུ་ཉྫ་པ་བྦ་ཛཾ [མུ་ཉྫ་བ་བྦ་ཛཾ (སཱི. པཱི.)];
ཨུ་ར་སཱ པ་ནུ་དི་སྶཱ་མི, ཝི་ཝེ་ཀ་མ་ནུ་བྲཱུ་ཧ་ཡཾ.
༢༤༣. ‘‘ཏ་དཱ ཝ་ནཾ པ་ཝི་ཊྛོ་ཧཾ, ས་རི་ཏྭཱ ཛི་ན་སཱ་ས་ནཾ;
བྷ་དྡེ་ཀ་ར་ཏྟ་ཨོ་ཝཱ་དཾ, ཨ་ར་ཧ་ཏྟ་མ་པཱ་པུ་ཎིཾ.
༢༤༤. ‘‘‘ཨ་ཏཱི་ཏཾ ནཱ་ནྭཱ་ག་མེ་ཡྻ, ན་པྤ་ཊི་ཀ་ངྑེ ཨ་ནཱ་ག་ཏཾ;
ཡ་ད་ཏཱི་ཏཾ པ་ཧཱི་ནཾ ཏཾ, ཨ་པྤ་ཏྟ་ཉྩ ཨ་ནཱ་ག་ཏཾ.
༢༤༥. ‘‘‘པ་ཙྩུ་པྤ་ནྣ་ཉྩ ཡོ དྷ་མྨཾ, ཏ་ཏྠ ཏ་ཏྠ ཝི་པ་སྶ་ཏི;
ཨ་སཾ་ཧཱི་རཾ ཨ་སཾ་ཀུ་པྤཾ, ཏཾ ཝི་དྭཱ མ་ནུ་བྲཱུ་ཧ་ཡེ.
༢༤༦. ‘‘‘ཨ་ཛྫེ་ཝ ཀི་ཙྩ་མཱ་ཏ་པྤཾ, ཀོ ཛ་ཉྙཱ མ་ར་ཎཾ སུ་ཝེ;
ན ཧི ནོ ས་ངྒ་རཾ [ས་ངྐ་རཾ (ཀ.)] ཏེ་ན, མ་ཧཱ་སེ་ནེ་ན མ་ཙྩུ་ནཱ.
༢༤༧. ‘‘‘ཨེ་ཝཾ་ཝི་ཧཱ་རིཾ ཨཱ་ཏཱ་པིཾ, ཨ་ཧོ་ར་ཏྟ་མ་ཏ་ནྡི་ཏཾ;
ཏཾ ཝེ བྷ་དྡེ་ཀ་ར་ཏྟོ་ཏི, ས་ནྟོ ཨཱ་ཙི་ཀྑ་ཏེ མུ་ནི’.
༢༤༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༢༤༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༥༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ལོ་མ་ས་ཀ་ངྒི་ཡོ [ལོ་མ་ས་ངྑི་ཡོ (སྱཱ. ཀ.)] ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ལོ་མ་ས་ཀ་ངྒི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.