༥. ན་ནྡ་ཀ་ཏྠེ་ར་ཨ་པ་དཱ་ནཾ
༡༤༣. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨེ་སུ ཙ་ཀྑུ་མཱ;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ནཱ་ཡ་ཀོ.
༡༤༤. ‘‘ཧི་ཏཱ་ཡ ས་བྦ་ས་ཏྟཱ་ནཾ, སུ་ཁཱ་ཡ ཝ་ད་ཏཾ ཝ་རོ;
ཨ་ཏྠཱ་ཡ པུ་རི་སཱ་ཛ་ཉྙོ, པ་ཊི་པ་ནྣོ ས་དེ་ཝ་ཀེ.
༡༤༥. ‘‘ཡ་ས་གྒ་པ་ཏྟོ སི་རི་མཱ, ཀི་ཏྟི་ཝ་ཎྞ་བྷ་ཏོ [ཀི་ཏྟི་ཝ་ཎྞ བྷ་ཊོ (སྱཱ. ཀ.)] ཛི་ནོ;
པཱུ་ཛི་ཏོ ས་བྦ་ལོ་ཀ་སྶ, དི་སཱ ས་བྦཱ་སུ ཝི་སྶུ་ཏོ.
༡༤༦. ‘‘ཨུ་ཏྟི་ཎྞ་ཝི་ཙི་ཀི་ཙྪོ སོ, ཝཱི་ཏི་ཝ་ཏྟ་ཀ་ཐཾ་ཀ་ཐོ;
པ་རི་པུ་ཎྞ་མ་ན་ས་ངྐ་པྤོ, པ་ཏྟོ ས་མྦོ་དྷི་མུ་ཏྟ་མཾ.
༡༤༧. ‘‘ཨ་ནུ་པྤ་ནྣ་སྶ མ་གྒ་སྶ, ཨུ་པྤཱ་དེ་ཏཱ ན་རུ་ཏྟ་མོ;
ཨ་ན་ཀྑཱ་ཏ་ཉྩ ཨ་ཀྑཱ་སི, ཨ་ས་ཉྫཱ་ཏ་ཉྩ ས་ཉྫ་ནཱི.
༡༤༨. ‘‘མ་གྒ་ཉྙཱུ མ་གྒ་ཝི་དཱུ [སོ མ་གྒ་ཝི་དཱུ (སཱི. པཱི.)] ཙ, མ་གྒ་ཀྑཱ་ཡཱི ན་རཱ་ས་བྷོ;
མ་གྒ་སྶ ཀུ་ས་ལོ ས་ཏྠཱ, སཱ་ར་ཐཱི་ནཾ ཝ་རུ་ཏྟ་མོ [ན་རུ་ཏྟ་མོ (སྱཱ.)].
༡༤༩. ‘‘ཏ་དཱ མ་ཧཱ་ཀཱ་རུ་ཎི་ཀོ, དྷ་མྨཾ དེ་སེ་སི ནཱ་ཡ་ཀོ;
ནི་མུ་གྒེ ཀཱ་མ་པ་ངྐ་མྷི [མོ་ཧ་པ་ངྐ་མྷི (སཱི. སྱཱ.), མོ་ཧ་མ་གྒ་མྷི (པཱི.)], ས་མུ་དྡྷ་ར་ཏི པཱ་ཎི་ནེ.
༡༥༠. ‘‘བྷི་ཀྑུ་ནཱི་ནཾ ཨོ་ཝ་ད་ནེ, སཱ་ཝ་ཀཾ སེ་ཊྛ་ས་མྨ་ཏཾ;
ཝ་ཎྞ་ཡཾ ཨེ་ཏ་ད་གྒ་མྷི, པ་ཉྙ་པེ་སི མ་ཧཱ་མུ་ནི.
༡༥༡. ‘‘ཏཾ སུ་ཏྭཱ་ཧཾ པ་མུ་དི་ཏོ, ནི་མ་ནྟེ་ཏྭཱ ཏ་ཐཱ་ག་ཏཾ;
བྷོ་ཛ་ཡི་ཏྭཱ ས་ས་ངྒྷཾ ཏཾ, པ་ཏྠ་ཡིཾ ཋཱ་ན་མུ་ཏྟ་མཾ.
༡༥༢. ‘‘ཏ་དཱ པ་མུ་དི་ཏོ ནཱ་ཐོ, མཾ ཨ་ཝོ་ཙ མ་ཧཱ་ཨི་སི;
‘སུ་ཁཱི བྷ་ཝ་སྶུ དཱི་གྷཱ་ཝུ [དཱི་གྷཱ་ཡུ (སཱི. སྱཱ.)], ལ་ཙྪ་སེ ཏཾ མ་ནོ་ར་ཐཾ.
༡༥༣. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༡༥༤. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ན་ནྡ་ཀོ ནཱ་མ ནཱ་མེ་ན, ཧེ་སྶ་ཏི ས་ཏྠུ སཱ་ཝ་ཀོ’.
༡༥༥. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་སཱུ་པ་གོ ཨ་ཧཾ.
༡༥༦. ‘‘པ་ཙྪི་མེ ཙ བྷ་ཝེ དཱ་ནི, ཛཱ་ཏོ སེ་ཊྛི་ཀུ་ལེ ཨ་ཧཾ;
སཱ་ཝ་ཏྠི་ཡཾ པུ་རེ ཝ་རེ, ཨི་དྡྷེ ཕཱི་ཏེ མ་ཧ་དྡྷ་ནེ.
༡༥༧. ‘‘པུ་ར་པྤ་ཝེ་སེ སུ་ག་ཏཾ, དི་སྭཱ ཝི་མྷི་ཏ་མཱ་ན་སོ;
ཛེ་ཏཱ་རཱ་མ་པ་ཊི་གྒཱ་ཧེ, པ་བྦ་ཛིཾ ཨ་ན་གཱ་རི་ཡཾ.
༡༥༨. ‘‘ན་ཙི་རེ་ནེ་ཝ ཀཱ་ལེ་ན, ཨ་ར་ཧ་ཏྟ་མ་པཱ་པུ་ཎིཾ;
ཏ་ཏོ་ཧཾ ཏི་ཎྞ་སཾ་སཱ་རོ, སཱ་སི་ཏོ ས་བྦ་ད་སྶི་ནཱ.
༡༥༩. ‘‘བྷི་ཀྑུ་ནཱི་ནཾ དྷ་མྨ་ཀ་ཐཾ, པ་ཊི་པུ་ཙྪཱ་ཀ་རིཾ ཨ་ཧཾ;
སཱ་སི་ཏཱ ཏཱ མ་ཡཱ ས་བྦཱ, ཨ་བྷ་ཝིཾ་སུ ཨ་ནཱ་ས་ཝཱ.
༡༦༠. ‘‘ས་ཏཱ་ནི པ་ཉྩ་ནཱུ་ནཱ་ནི, ཏ་དཱ ཏུ་ཊྛོ མ་ཧཱ་ཧི་ཏོ;
བྷི་ཀྑུ་ནཱི་ནཾ ཨོ་ཝ་ད་ཏཾ, ཨ་གྒ་ཊྛཱ་ནེ ཋ་པེ་སི མཾ.
༡༦༡. ‘‘ས་ཏ་ས་ཧ་སྶེ ཀ་ཏཾ ཀ་མྨཾ, ཕ་ལཾ ད་སྶེ་སི མེ ཨི་དྷ;
སུ་མུ་ཏྟོ ས་ར་ཝེ་གོ་ཝ, ཀི་ལེ་སེ ཛྷཱ་པ་ཡིཾ མ་མ.
༡༦༢. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༦༣. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༦༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ནྡ་ཀོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ན་ནྡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.