༨. ཨུ་རུ་ཝེ་ལ༹་ཀ་སྶ་པ་ཏྠེ་ར་ཨ་པ་དཱ་ནཾ
༢༥༡. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་ལོ་ཀ་ཝི་དཱུ མུ་ནི;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ཙ་ཀྑུ་མཱ.
༢༥༢. ‘‘ཨོ་ཝཱ་ད་ཀོ ཝི་ཉྙཱ་པ་ཀོ, ཏཱ་ར་ཀོ ས་བྦ་པཱ་ཎི་ནཾ;
དེ་ས་ནཱ་ཀུ་ས་ལོ བུ་དྡྷོ, ཏཱ་རེ་སི ཛ་ན་ཏཾ བ་ཧུཾ.
༢༥༣. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, ཧི་ཏེ་སཱི ས་བྦ་པཱ་ཎི་ནཾ;
ས་མྤ་ཏྟེ ཏི་ཏྠི་ཡེ ས་བྦེ, པ་ཉྩ་སཱི་ལེ པ་ཏི་ཊྛ་པི.
༢༥༤. ‘‘ཨེ་ཝཾ ནི་རཱ་ཀུ་ལཾ ཨཱ་སི, སུ་ཉྙ་ཏཾ ཏི་ཏྠི་ཡེ་ཧི ཙ;
ཝི་ཙི་ཏྟཾ ཨ་ར་ཧ་ནྟེ་ཧི, ཝ་སཱི་བྷཱུ་ཏེ་ཧི ཏཱ་དི་བྷི.
༢༥༥. ‘‘ར་ཏ་ནཱ་ན་ཊྛ་པ་ཉྙཱ་སཾ, ཨུ་གྒ་ཏོ སོ མ་ཧཱ་མུ་ནི;
ཀ་ཉྩ་ན་གྒྷི་ཡ་ས་ངྐཱ་སོ, བཱ་ཏྟིཾ་ས་ཝ་ར་ལ་ཀྑ་ཎོ.
༢༥༦. ‘‘ཝ་སྶ་ས་ཏ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༢༥༧. ‘‘ཏ་དཱ་ཧཾ ཧཾ་ས་ཝ་ཏི་ཡཱ, བྲཱ་ཧྨ་ཎོ སཱ་དྷུ་ས་མྨ་ཏོ;
ཨུ་པེ་ཙྩ ལོ་ཀ་པ་ཛྫོ་ཏཾ, ཨ་སྶོ་སིཾ དྷ་མྨ་དེ་ས་ནཾ.
༢༥༨. ‘‘ཏ་དཱ མ་ཧཱ་པ་རི་ས་ཏིཾ, མ་ཧཱ་པ་རི་ས་སཱ་ཝ་ཀཾ;
ཋ་པེ་ནྟཾ ཨེ་ཏ་ད་གྒ་མྷི, སུ་ཏྭཱ་ན མུ་དི་ཏོ ཨ་ཧཾ.
༢༥༩. ‘‘མ་ཧ་ཏཱ པ་རི་ཝཱ་རེ་ན, ནི་མ་ནྟེ་ཏྭཱ མ་ཧཱ་ཛི་ནཾ;
བྲཱ་ཧྨ་ཎཱ་ནཾ ས་ཧ་སྶེ་ན, ས་ཧ་དཱ་ན་མ་དཱ་ས་ཧཾ.
༢༦༠. ‘‘མ་ཧཱ་དཱ་ནཾ ད་དི་ཏྭཱ་ན, ཨ་བྷི་ཝཱ་དི་ཡ ནཱ་ཡ་ཀཾ;
ཨེ་ཀ་མ་ནྟཾ ཋི་ཏོ ཧ་ཊྛོ, ཨི་དཾ ཝ་ཙ་ན་མ་བྲ་ཝིཾ.
༢༦༡. ‘‘‘ཏ་ཡི ས་དྡྷཱ་ཡ མེ ཝཱི་ར, ཨ་དྷི་ཀཱ་ར་གུ་ཎེ་ན ཙ;
པ་རི་སཱ མ་ཧ་ཏཱི ཧོ་ཏུ, ནི་བྦ་ཏྟ་སྶ ཏ་ཧིཾ ཏ་ཧིཾ’.
༢༦༢. ‘‘ཏ་དཱ ཨ་ཝོ་ཙ པ་རི་སཾ, ག་ཛ་ག་ཛྫི་ཏ་སུ་སྶ་རོ;
ཀ་ར་ཝཱི་ཀ་རུ་ཏོ ས་ཏྠཱ, ‘ཨེ་ཏཾ པ་སྶ་ཐ བྲཱ་ཧྨ་ཎཾ.
༢༦༣. ‘‘‘ཧེ་མ་ཝ་ཎྞཾ མ་ཧཱ་བཱ་ཧུཾ, ཀ་མ་ལཱ་ན་ན་ལོ་ཙ་ནཾ;
ཨུ་ད་གྒ་ཏ་ནུ་ཛཾ ཧ་ཊྛཾ, ས་དྡྷ་ཝ་ནྟཾ གུ་ཎེ མ་མ.
༢༦༤. ‘‘‘ཨེ་ས པ་ཏྠ་ཡ་ཏེ ཋཱ་ནཾ [པ་ཏྠ་ཡི ཏཾ ཋཱ་ནཾ (སྱཱ.)], སཱི་ཧ་གྷོ་ས་སྶ བྷི་ཀྑུ་ནོ;
ཨ་ནཱ་ག་ཏ་མྷི ཨ་དྡྷཱ་ནེ, ལ་ཙྪ་སེ ཏཾ མ་ནོ་ར་ཐཾ.
༢༦༥. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༢༦༦. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ཀ་སྶ་པོ ནཱ་མ གོ་ཏྟེ་ན, ཧེ་སྶ་ཏི ས་ཏྠུ སཱ་ཝ་ཀོ’.
༢༦༧. ‘‘ཨི་ཏོ དྭེ་ན་ཝུ་ཏེ ཀ་པྤེ, ཨ་ཧུ ས་ཏྠཱ ཨ་ནུ་ཏྟ་རོ;
ཨ་ནཱུ་པ་མོ ཨ་ས་དི་སོ, ཕུ་སྶོ ལོ་ཀ་གྒ་ནཱ་ཡ་ཀོ.
༢༦༨. ‘‘སོ ཙ ས་བྦཾ ཏ་མཾ ཧ་ནྟྭཱ, ཝི་ཛ་ཊེ་ཏྭཱ མ་ཧཱ་ཛ་ཊཾ;
ཝ་སྶ་ཏེ ཨ་མ་ཏཾ ཝུ་ཊྛིཾ, ཏ་པྤ་ཡ་ནྟོ ས་དེ་ཝ་ཀཾ.
༢༦༩. ‘‘ཏ་དཱ ཧི བཱ་རཱ་ཎ་སི་ཡཾ, རཱ་ཛཱ པ་ཙྩཱ ཨ་ཧུ་མྷ་སེ;
བྷཱ་ཏ་རོ་མྷ ཏ་ཡོ ས་བྦེ, སཾ་ཝི་ས་ཊྛཱ་ཝ རཱ་ཛི་ནོ.
༢༧༠. ‘‘ཝཱི་ར་ངྒ་རཱུ་པཱ བ་ལི་ནོ, ས་ངྒཱ་མེ ཨ་པ་རཱ་ཛི་ཏཱ;
ཏ་དཱ ཀུ་པི་ཏ་པ་ཙྩ་ནྟོ [ཀུ་པྤ་ཏི པ་ཙྩ་ནྟོ (ཀ.)], ཨ་མྷེ ཨཱ་ཧ མ་ཧཱི་པ་ཏི.
༢༧༡. ‘‘‘ཨེ་ཐ ག་ནྟྭཱ་ན པ་ཙྩ་ནྟཾ, སོ་དྷེ་ཏྭཱ ཨ་ཊྚ་ཝཱི་བ་ལཾ;
ཁེ་མཾ ཝི་ཛི་རི་ཏཾ ཀ་ཏྭཱ, པུ་ན དེ་ཐཱ་ཏི བྷཱ་ས་ཐ’.
༢༧༢. ‘‘ཏ་ཏོ མ་ཡཾ ཨ་ཝོ་ཙུ་མྷ, ཡ་དི དེ་ཡྻཱ་སི ནཱ་ཡ་ཀཾ;
ཨུ་པ་ཊྛཱ་ནཱ་ཡ ཨ་མྷཱ་ཀཾ, སཱ་དྷ་ཡི་སྶཱ་མ ཝོ ཏ་ཏོ.
༢༧༣. ‘‘ཏ་ཏོ མ་ཡཾ ལ་དྡྷ་ཝ་རཱ, བྷཱུ་མི་པཱ་ལེ་ན པེ་སི་ཏཱ;
ནི་ཀྑི་ཏྟ་ས་ཏྠཾ པ་ཙྩ་ནྟཾ, ཀ་ཏྭཱ པུ་ན་རུ་པ་ཙྩ ཏཾ.
༢༧༤. ‘‘ཡཱ་ཙི་ཏྭཱ ས་ཏྠུ་པ་ཊྛཱ་ནཾ, རཱ་ཛཱ་ནཾ ལོ་ཀ་ནཱ་ཡ་ཀཾ;
མུ་ནི་ཝཱི་རཾ ལ་བྷི་ཏྭཱ་ན, ཡཱ་ཝ་ཛཱི་ཝཾ ཡ་ཛི་མྷ ཏཾ.
༢༧༥. ‘‘མ་ཧ་གྒྷཱ་ནི ཙ ཝ་ཏྠཱ་ནི, པ་ཎཱི་ཏཱ་ནི ར་སཱ་ནི ཙ;
སེ་ནཱ་ས་ནཱ་ནི ར་མྨཱ་ནི, བྷེ་ས་ཛྫཱ་ནི ཧི་ཏཱ་ནི ཙ.
༢༧༦. ‘‘ད་ཏྭཱ ས་ས་ངྒྷ་མུ་ནི་ནོ [ས་སཾ་གྷ་སྶ མུ་ནེ (སཱི. པཱི.)], དྷ་མྨེ་ནུ་པྤཱ་དི་ཏཱ་ནི ནོ;
སཱི་ལ་ཝ་ནྟོ ཀཱ་རུ་ཎི་ཀཱ, བྷཱ་ཝ་ནཱ་ཡུ་ཏྟ་མཱ་ན་སཱ.
༢༧༧. ‘‘ས་དྡྷཱ པ་རི་ཙ་རི་ཏྭཱ་ན, མེ་ཏྟ་ཙི་ཏྟེ་ན ནཱ་ཡ་ཀཾ;
ནི་བྦུ་ཏེ ཏ་མྷི ལོ་ཀ་གྒེ, པཱུ་ཛཾ ཀ་ཏྭཱ ཡ་ཐཱ་བ་ལཾ.
༢༧༨. ‘‘ཏ་ཏོ ཙུ་ཏཱ ས་ནྟུ་སི་ཏཾ [ཏཱ་ཝ་ཏིཾ་སཾ (སྱཱ.)], ག་ཏཱ ཏ་ཏྠ མ་ཧཱ་སུ་ཁཾ;
ཨ་ནུ་བྷཱུ་ཏཱ མ་ཡཾ ས་བྦེ, བུ་དྡྷ་པཱུ་ཛཱ་ཡི་དཾ ཕ་ལཾ.
༢༧༩. ‘‘མཱ་ཡཱ་ཀཱ་རོ ཡ་ཐཱ ར་ངྒེ [ལ་དྡྷོ (སྱཱ. པཱི.)], ད་སྶེ་སི ཝི་ཀ་ཏིཾ བ་ཧུཾ;
ཏ་ཐཱ བྷ་ཝེ བྷ་མ་ནྟོ་ཧཾ [ག་མེ་ནྟོ་ཧཾ (ཀ.), བྷ་ཝ་ནྟོ་ཧཾ (སྱཱ.)], ཝི་དེ་ཧཱ་དྷི་པ་ཏཱི ཨ་ཧུཾ.
༢༨༠. ‘‘གུ་ཎཱ་ཙེ་ལ༹་སྶ ཝཱ་ཀྱེ་ན, མི་ཙྪཱ་དི་ཊྛི་ག་ཏཱ་ས་ཡོ;
ན་ར་ཀཾ མ་གྒ་མཱ་རཱུ་ལ༹ྷོ, རུ་ཙཱ་ཡ མ་མ དྷཱི་ཏུ་ཡཱ.
༢༨༡. ‘‘ཨོ་ཝཱ་དཾ ནཱ་དི་ཡི་ཏྭཱ་ན, བྲ་ཧྨུ་ནཱ ནཱ་ར་དེ་ན་ཧཾ;
བ་ཧུ་དྷཱ སཾ་སི་ཏོ ས་ནྟོ, དི་ཊྛིཾ ཧི་ཏྭཱ་ན པཱ་པི་ཀཾ.
༢༨༢. ‘‘པཱུ་ར་ཡི་ཏྭཱ ཝི་སེ་སེ་ན, ད་ས ཀ་མྨ་པ་ཐཱ་ནི་ཧཾ;
ཧི་ཏྭཱ་ན དེ་ཧ་མ་ག་མིཾ, ས་གྒཾ ས་བྷ་ཝ་ནཾ ཡ་ཐཱ.
༢༨༣. ‘‘པ་ཙྪི་མེ བྷ་ཝེ ས་མྤ་ཏྟེ, བྲ་ཧྨ་བ་ནྡྷུ ཨ་ཧོ་ས་ཧཾ;
བཱ་རཱ་ཎ་སི་ཡཾ ཕཱི་ཏཱ་ཡཾ, ཛཱ་ཏོ ཝི་པྤ་མ་ཧཱ་ཀུ་ལེ.
༢༨༤. ‘‘མ་ཙྩུ་བྱཱ་དྷི་ཛ་རཱ བྷཱི་ཏོ, ཨོ་གཱ་ཧེ་ཏྭཱ མ་ཧཱ་ཝ་ནཾ [ཛ་ཧི་ཏྭཱ་ན མ་ཧཱ་དྷ་ནཾ (སཱི.), ཛ་ཧི་ཏྭཱ ཙ མ་ཧཱ་དྷ་ནཾ (པཱི.)];
ནི་བྦཱ་ནཾ པ་ད་མེ་ས་ནྟོ, ཛ་ཊི་ལེ་སུ པ་རི་བྦ་ཛིཾ.
༢༨༥. ‘‘ཏ་དཱ དྭེ བྷཱ་ཏ་རོ མ་ཡ྄ཧཾ, པ་བྦ་ཛིཾ་སུ མ་ཡཱ ས་ཧ;
ཨུ་རུ་ཝེ་ལཱ༹་ཡཾ མཱ་པེ་ཏྭཱ, ཨ་སྶ་མཾ ནི་ཝ་སིཾ ཨ་ཧཾ.
༢༨༦. ‘‘ཀ་སྶ་པོ ནཱ་མ གོ་ཏྟེ་ན, ཨུ་རུ་ཝེ་ལ༹་ནི་ཝཱ་སི་ཀོ [ཨུ་རུ་ཝེ་ལཱ༹་ཡ ནི་ཝ་སིཾ (སྱཱ.)];
ཏ་ཏོ མེ ཨཱ་སི པ་ཉྙ་ཏྟི, ཨུ་རུ་ཝེ་ལ༹་ཀ་སྶ་པོ ཨི་ཏི.
༢༨༧. ‘‘ན་དཱི་ས་ཀཱ་སེ བྷཱ་ཏཱ མེ, ན་དཱི་ཀ་སྶ་པ་ས་ཝ྄ཧ་ཡོ;
ཨཱ་སཱི ས་ཀཱ་ས་ནཱ་མེ་ན, ག་ཡཱ་ཡཾ ག་ཡཱ་ཀ་སྶ་པོ.
༢༨༨. ‘‘དྭེ ས་ཏཱ་ནི ཀ་ནི་ཊྛ་སྶ, ཏཱི་ཎི མ་ཛ྄ཛྷ་སྶ བྷཱ་ཏུ་ནོ;
མ་མ པ་ཉྩ ས་ཏཱ་ནཱུ་ནཱ, སི་སྶཱ ས་བྦེ མ་མཱ་ནུ་གཱ.
༢༨༩. ‘‘ཏ་དཱ ཨུ་པེ་ཙྩ མཾ བུ་དྡྷོ, ཀ་ཏྭཱ་ན ཝི་ཝི་དྷཱ་ནི མེ [ཀ་ཏྭཱ ནཱ་ནཱ་ཝི་དྷཱ་ནི མེ (སཱི.)];
པཱ་ཊི་ཧཱི་རཱ་ནི ལོ་ཀ་གྒོ, ཝི་ནེ་སི ན་ར་སཱ་ར་ཐི.
༢༩༠. ‘‘ས་ཧ་སྶ་པ་རི་ཝཱ་རེ་ན, ཨ་ཧོ་སིཾ ཨེ་ཧི་བྷི་ཀྑུ་ཀོ;
ཏེ་ཧེ་ཝ ས་ཧ ས་བྦེ་ཧི, ཨ་ར་ཧ་ཏྟ་མ་པཱ་པུ་ཎིཾ.
༢༩༡. ‘‘ཏེ ཙེ་ཝ་ཉྙེ ཙ བ་ཧ་ཝོ, སི་སྶཱ མཾ པ་རི་ཝཱ་ར་ཡུཾ;
སཱ་སི་ཏུ་ཉྩ ས་མ་ཏྠོ་ཧཾ, ཏ་ཏོ མཾ ཨི་སི་ས་ཏྟ་མོ.
༢༩༢. ‘‘མ་ཧཱ་པ་རི་ས་བྷཱ་ཝ་སྨིཾ, ཨེ་ཏ་ད་གྒེ ཋ་པེ་སི མཾ;
ཨ་ཧོ བུ་དྡྷེ ཀ་ཏཾ ཀཱ་རཾ, ས་ཕ་ལཾ མེ ཨ་ཛཱ་ཡ་ཐ.
༢༩༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༢༩༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༩༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་རུ་ཝེ་ལ༹་ཀ་སྶ་པོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ཨུ་རུ་ཝེ་ལ༹་ཀ་སྶ་པ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.