༤. ད་བྦ་མ་ལླ་པུ་ཏྟ་ཏྠེ་ར་ཨ་པ་དཱ་ནཾ
༡༠༨. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་ལོ་ཀ་ཝི་དཱུ མུ་ནི;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ཙ་ཀྑུ་མཱ.
༡༠༩. ‘‘ཨོ་ཝཱ་ད་ཀོ ཝི་ཉྙཱ་པ་ཀོ, ཏཱ་ར་ཀོ ས་བྦ་པཱ་ཎི་ནཾ;
དེ་ས་ནཱ་ཀུ་ས་ལོ བུ་དྡྷོ, ཏཱ་རེ་སི ཛ་ན་ཏཾ བ་ཧུཾ.
༡༡༠. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, ཧི་ཏེ་སཱི ས་བྦ་པཱ་ཎི་ནཾ;
ས་མྤ་ཏྟེ ཏི་ཏྠི་ཡེ ས་བྦེ, པ་ཉྩ་སཱི་ལེ པ་ཏི་ཊྛ་པི [པ་ཏི་ཊྛ་ཧི (སྱཱ. ཀ.)].
༡༡༡. ‘‘ཨེ་ཝཾ ནི་རཱ་ཀུ་ལཾ ཨཱ་སི, སུ་ཉྙ་ཏཾ [སུ་ཉྙ་ཀཾ (སཱི.) ཨེ་ཝ་མུ་པ་རི་པི] ཏི་ཏྠི་ཡེ་ཧི ཙ;
ཝི་ཙི་ཏྟཾ ཨ་ར་ཧ་ནྟེ་ཧི, ཝ་སཱི་བྷཱུ་ཏེ་ཧི ཏཱ་དི་བྷི.
༡༡༢. ‘‘ར་ཏ་ནཱ་ན་ཊྛ་པ་ཉྙཱ་སཾ, ཨུ་གྒ་ཏོ སོ མ་ཧཱ་མུ་ནི;
ཀ་ཉྩ་ན་གྒྷི་ཡ་ས་ངྐཱ་སོ, བཱ་ཏྟིཾ་ས་ཝ་ར་ལ་ཀྑ་ཎོ.
༡༡༣. ‘‘ཝ་སྶ་ས་ཏ་ས་ཧ་སྶཱ་ནི, ཨཱ་ཡུ ཝི་ཛྫ་ཏི ཏཱ་ཝ་དེ;
ཏཱ་ཝ་ཏཱ ཏི་ཊྛ་མཱ་ནོ སོ, ཏཱ་རེ་སི ཛ་ན་ཏཾ བ་ཧུཾ.
༡༡༤. ‘‘ཏ་དཱ་ཧཾ ཧཾ་ས་ཝ་ཏི་ཡཾ, སེ་ཊྛི་པུ་ཏྟོ མ་ཧཱ་ཡ་སོ;
ཨུ་པེ་ཏྭཱ ལོ་ཀ་པ་ཛྫོ་ཏཾ, ཨ་སྶོ་སིཾ དྷ་མྨ་དེ་ས་ནཾ.
༡༡༥. ‘‘སེ་ནཱ་ས་ནཱ་ནི བྷི་ཀྑཱུ་ནཾ, པ་ཉྙཱ་པེ་ནྟཾ ས་སཱ་ཝ་ཀཾ;
ཀི་ཏྟ་ཡ་ནྟ་སྶ ཝ་ཙ་ནཾ, སུ་ཎི་ཏྭཱ མུ་དི་ཏོ ཨ་ཧཾ.
༡༡༦. ‘‘ཨ་དྷི་ཀཱ་རཾ ས་ས་ངྒྷ་སྶ, ཀ་ཏྭཱ ཏ་སྶ མ་ཧེ་སི་ནོ;
ནི་པ་ཙྩ སི་ར་སཱ པཱ་དེ, ཏཾ ཋཱ་ན་མ་བྷི་པ་ཏྠ་ཡིཾ.
༡༡༧. ‘‘ཏ་དཱ་ཧ ས མ་ཧཱ་ཝཱི་རོ, མ་མ ཀ་མྨཾ པ་ཀི་ཏྟ་ཡཾ;
‘ཡོ ས་ས་ངྒྷ་མ་བྷོ་ཛེ་སི, ས་ཏྟཱ་ཧཾ ལོ་ཀ་ནཱ་ཡ་ཀཾ.
༡༡༨. ‘‘‘སོ་ཡཾ ཀ་མ་ལ་པ་ཏྟ་ཀྑོ, སཱི་ཧཾ་སོ ཀ་ན་ཀ་ཏྟ་ཙོ;
མ་མ པཱ་ད་མཱུ་ལེ ནི་པ་ཏི [པ་ཏི་ཏོ (པཱི.)], པ་ཏྠ་ཡཾ ཋཱ་ན་མུ་ཏྟ་མཾ.
༡༡༩. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༡༢༠. ‘‘‘སཱ་ཝ་ཀོ ཏ་སྶ བུ་དྡྷ་སྶ, ད་བྦོ ནཱ་མེ་ན ཝི་སྶུ་ཏོ;
སེ་ནཱ་ས་ན་པ་ཉྙཱ་པ་ཀོ, ཨ་གྒོ ཧེ་སྶ་ཏི་ཡཾ ཏ་དཱ’.
༡༢༡. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༢༢. ‘‘ས་ཏཱ་ནཾ ཏཱི་ཎི་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ;
ས་ཏཱ་ནཾ པ་ཉྩ་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༡༢༣. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
ས་བྦ་ཏྠ སུ་ཁི་ཏོ ཨཱ་སིཾ, ཏ་སྶ ཀ་མྨ་སྶ ཝཱ་ཧ་སཱ.
༡༢༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཝི་པ་སྶཱི ནཱ་མ ནཱ་ཡ་ཀོ;
ཨུ་པྤ་ཛྫི ཙཱ་རུ་ད་སྶ་ནོ [ཙཱ་རུ་ན་ཡ་ནོ (སཱི. སྱཱ. པཱི.)], ས་བྦ་དྷ་མྨ་ཝི་པ་སྶ་ཀོ.
༡༢༥. ‘‘དུ་ཊྛ་ཙི་ཏྟོ ཨུ་པ་ཝ་དིཾ, སཱ་ཝ་ཀཾ ཏ་སྶ ཏཱ་དི་ནོ;
ས་བྦཱ་ས་ཝ་པ་རི་ཀྑཱི་ཎཾ, སུ་དྡྷོ་ཏི ཙ ཝི་ཛཱ་ནི་ཡ.
༡༢༦. ‘‘ཏ་སྶེ་ཝ ན་ར་ཝཱི་ར་སྶ, སཱ་ཝ་ཀཱ་ནཾ མ་ཧེ་སི་ནཾ;
ས་ལཱ་ཀ་ཉྩ ག་ཧེ་ཏྭཱ་ན [ས་ལཱ་ཀཾ པ་གྒ་ཧེ་ཏྭཱ་ན (སཱི. པཱི.)], ཁཱི་རོ་ད་ན་མ་དཱ་ས་ཧཾ.
༡༢༧. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༡༢༨. ‘‘སཱ་ས་ནཾ ཛོ་ཏ་ཡི་ཏྭཱ་ན, ཨ་བྷི་བྷུ་ཡྻ ཀུ་ཏི་ཏྠི་ཡེ;
ཝི་ནེ་ཡྻེ ཝི་ན་ཡི་ཏྭཱ་ཝ, ནི་བྦུ་ཏོ སོ ས་སཱ་ཝ་ཀོ.
༡༢༩. ‘‘ས་སི་སྶེ ནི་བྦུ་ཏེ ནཱ་ཐེ, ཨ་ཏྠ་མེ་ནྟ་མྷི སཱ་ས་ནེ;
དེ་ཝཱ ཀ་ནྡིཾ་སུ སཾ་ཝི་གྒཱ, མུ་ཏྟ་ཀེ་སཱ རུ་ད་མྨུ་ཁཱ.
༡༣༠. ‘‘ནི་བྦཱ་ཡི་སྶ་ཏི དྷ་མྨ་ཀྑོ, ན པ་སྶི་སྶཱ་མ སུ་བྦ་ཏེ;
ན སུ་ཎི་སྶཱ་མ ས་དྡྷ་མྨཾ, ཨ་ཧོ ནོ ཨ་པྤ་པུ་ཉྙ་ཏཱ.
༡༣༡. ‘‘ཏ་དཱ་ཡཾ པ་ཐ་ཝཱི ས་བྦཱ, ཨ་ཙ་ལཱ སཱ ཙ་ལཱ་ཙ་ལཱ [ཙ་ལཱ་ཙ་ལཱི (སཱི.), པུ་ལཱ་པུ་ལཱི (སྱཱ.)];
སཱ་ག་རོ ཙ ས་སོ་ཀོ་ཝ, ཝི་ན་དཱི ཀ་རུ་ཎཾ གི་རཾ.
༡༣༢. ‘‘ཙ་ཏུ་དྡི་སཱ དུ་ནྡུ་བྷི་ཡོ, ནཱ་ད་ཡིཾ་སུ ཨ་མཱ་ནུ་སཱ;
ས་མ་ནྟ་ཏོ ཨ་ས་ནི་ཡོ, ཕ་ལིཾ་སུ ཙ བྷ་ཡཱ་ཝ་ཧཱ.
༡༣༣. ‘‘ཨུ་ཀྐཱ པ་ཏིཾ་སུ ན་བྷ་སཱ, དྷཱུ་མ་ཀེ་ཏུ ཙ དི་སྶ་ཏི;
ས་དྷཱུ་མཱ ཛཱ་ལ་ཝ་ཊྚཱ ཙ [ས་བྦ་ཐ་ལ་ཛ་ས་ཏྟཱ ཙ (སཱི.)], ར་ཝིཾ་སུ ཀ་རུ་ཎཾ མི་གཱ.
༡༣༤. ‘‘ཨུ་པྤཱ་དེ དཱ་རུ་ཎེ དི་སྭཱ, སཱ་ས་ན་ཏྠ་ངྒ་སཱུ་ཙ་ཀེ;
སཾ་ཝི་གྒཱ བྷི་ཀྑ་ཝོ ས་ཏྟ, ཙི་ནྟ་ཡི་མྷ མ་ཡཾ ཏ་དཱ.
༡༣༥. ‘‘སཱ་ས་ནེ་ན ཝི་ནཱ་མྷཱ་ཀཾ, ཛཱི་ཝི་ཏེ་ན ཨ་ལཾ མ་ཡཾ;
པ་ཝི་སི་ཏྭཱ མ་ཧཱ་ར་ཉྙཾ, ཡུ་ཉྫཱ་མ ཛི་ན་སཱ་ས་ནཾ.
༡༣༦. ‘‘ཨ་དྡ་ས་མྷ ཏ་དཱ་ར་ཉྙེ, ཨུ་བྦི་དྡྷཾ སེ་ལ་མུ་ཏྟ་མཾ;
ནི་སྶེ་ཎི་ཡཱ ཏ་མཱ་རུ་ཡ྄ཧ, ནི་སྶེ་ཎིཾ པཱ་ཏ་ཡི་མྷ་སེ.
༡༣༧. ‘‘ཏ་དཱ ཨོ་ཝ་དི ནོ ཐེ་རོ, བུ་དྡྷུ་པྤཱ་དོ སུ་དུ་ལླ་བྷོ;
ས་དྡྷཱ་ཏི་དུ་ལླ་བྷཱ ལ་དྡྷཱ, ཐོ་ཀཾ སེ་ས་ཉྩ སཱ་ས་ནཾ.
༡༣༨. ‘‘ནི་པ་ཏ་ནྟི ཁ་ཎཱ་ཏཱི་ཏཱ, ཨ་ན་ནྟེ དུ་ཀྑ་སཱ་ག་རེ;
ཏ་སྨཱ པ་ཡོ་གོ ཀ་ཏྟ་བྦོ, ཡཱ་ཝ ཋཱ་ཏི མུ་ནེ མ་ཏཾ [ཡཱ་ཝ ཏི་ཊྛ་ཏི སཱ་ས་ནཾ (སྱཱ.)].
༡༣༩. ‘‘ཨ་ར་ཧཱ ཨཱ་སི སོ ཐེ་རོ, ཨ་ནཱ་གཱ་མཱི ཏ་དཱ་ནུ་གོ;
སུ་སཱི་ལཱ ཨི་ཏ་རེ ཡུ་ཏྟཱ, དེ་ཝ་ལོ་ཀཾ ཨ་ག་མྷ་སེ.
༡༤༠. ‘‘ནི་བྦུ་ཏོ ཏི་ཎྞ་སཾ་སཱ་རོ, སུ་དྡྷཱ་ཝཱ་སེ ཙ ཨེ་ཀ་ཀོ;
ཨ་ཧ་ཉྩ པ་ཀྐུ་སཱ་ཏི ཙ, ས་བྷི་ཡོ བཱ་ཧི་ཡོ ཏ་ཐཱ.
༡༤༡. ‘‘ཀུ་མཱ་ར་ཀ་སྶ་པོ ཙེ་ཝ, ཏ་ཏྠ ཏ་ཏྠཱུ་པ་གཱ མ་ཡཾ;
སཾ་སཱ་ར་བ་ནྡྷ་ནཱ མུ་ཏྟཱ, གོ་ཏ་མེ་ནཱ་ནུ་ཀ་མྤི་ཏཱ.
༡༤༢. ‘‘མ་ལླེ་སུ ཀུ་སི་ནཱ་རཱ་ཡཾ, ཛཱ་ཏོ ག་བྦྷེ་ཝ མེ ས་ཏོ;
མཱ་ཏཱ མ་ཏཱ ཙི་ཏཱ་རུ་ལ༹ྷཱ, ཏ་ཏོ ནི་པྤ་ཏི་ཏོ ཨ་ཧཾ.
༡༤༣. ‘‘པ་ཏི་ཏོ ད་བྦ་པུ་ཉྫ་མྷི, ཏ་ཏོ ད་བྦོ་ཏི ཝི་སྶུ་ཏོ;
བྲ་ཧྨ་ཙཱ་རཱི་བ་ལེ་ནཱ་ཧཾ, ཝི་མུ་ཏྟོ ས་ཏྟ་ཝ་སྶི་ཀོ.
༡༤༤. ‘‘ཁཱི་རོ་ད་ན་བ་ལེ་ནཱ་ཧཾ, པ་ཉྩ་ཧ་ངྒེ་ཧུ་པཱ་ག་ཏོ;
ཁཱི་ཎཱ་ས་ཝོ་པ་ཝཱ་དེ་ན, པཱ་པེ་ཧི བ་ཧུ་ཙོ་དི་ཏོ.
༡༤༥. ‘‘ཨུ་བྷོ པུ་ཉྙ་ཉྩ པཱ་པ་ཉྩ, ཝཱི་ཏི་ཝ་ཏྟོ་མྷི དཱ་ནི་ཧཾ;
པ་ཏྭཱ་ན པ་ར་མཾ ས་ནྟིཾ, ཝི་ཧ་རཱ་མི ཨ་ནཱ་ས་ཝོ.
༡༤༦. ‘‘སེ་ནཱ་ས་ནཾ པ་ཉྙཱ་པ་ཡིཾ, ཧཱ་ས་ཡི་ཏྭཱ་ན སུ་བྦ་ཏེ;
ཛི་ནོ ཏ་སྨིཾ གུ་ཎེ ཏུ་ཊྛོ, ཨེ་ཏ་ད་གྒེ ཋ་པེ་སི མཾ.
༡༤༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༤༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༤༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ད་བྦ་མ་ལླ་པུ་ཏྟོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ད་བྦ་མ་ལླ་པུ་ཏྟ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.