༣. མ་ཧཱ་ཀ་པྤི་ན་ཏྠེ་ར་ཨ་པ་དཱ་ནཾ
༦༦. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཨུ་དི་ཏོ ཨ་ཛ་ཊཱ་ཀཱ་སེ [ཛ་ག་དཱ་ཀཱ་སེ (སཱི.), ཛ་ལ་དཱ་ཀཱ་སེ (པཱི.)], ར་ཝཱི་ཝ ས་ར་ད་མྦ་རེ.
༦༧. ‘‘ཝ་ཙ་ནཱ་བྷཱ་ཡ བོ་དྷེ་ཏི, ཝེ་ནེ་ཡྻ་པ་དུ་མཱ་ནི སོ;
ཀི་ལེ་ས་པ་ངྐཾ སོ་སེ་ཏི, མ་ཏི་རཾ་སཱི་ཧི ནཱ་ཡ་ཀོ.
༦༨. ‘‘ཏི་ཏྠི་ཡཱ་ནཾ ཡ་སེ [ཡ་སོ (སཱི. པཱི.)] ཧ་ནྟི, ཁ་ཛྫོ་ཏཱ་བྷཱ ཡ་ཐཱ ར་ཝི;
ས་ཙྩ་ཏྠཱ་བྷཾ པ་ཀཱ་སེ་ཏི, ར་ཏ་ནཾ་ཝ དི་ཝཱ་ཀ་རོ.
༦༩. ‘‘གུ་ཎཱ་ནཾ ཨཱ་ཡ་ཏི་བྷཱུ་ཏོ, ར་ཏ་ནཱ་ནཾ་ཝ སཱ་ག་རོ;
པ་ཛྫུ་ནྣོ་རི་ཝ བྷཱུ་ཏཱ་ནི, དྷ་མྨ་མེ་གྷེ་ན ཝ་སྶ་ཏི.
༧༠. ‘‘ཨ་ཀྑ་ད་སྶོ ཏ་དཱ ཨཱ་སིཾ, ན་ག་རེ ཧཾ་ས་ས་ཝ྄ཧ་ཡེ;
ཨུ་པེ་ཙྩ དྷ་མྨ་མ་སྶོ་སིཾ, ཛ་ལ་ཛུ་ཏྟ་མ་ནཱ་མི་ནོ.
༧༡. ‘‘ཨོ་ཝཱ་ད་ཀ་སྶ བྷི་ཀྑཱུ་ནཾ, སཱ་ཝ་ཀ་སྶ ཀ་ཏཱ་ཝི་ནོ;
གུ་ཎཾ པ་ཀཱ་ས་ཡ་ནྟ་སྶ, ཏ་པྤ་ཡ་ནྟ་སྶ [ཏོ་ས་ཡ་ནྟ་སྶ (སཱི.), ཧཱ་ས་ཡ་ནྟ་སྶ (སྱཱ.), ཝཱ་ས་ཡ་ནྟ་སྶ (པཱི.)] མེ མ་ནཾ.
༧༢. ‘‘སུ་ཏྭཱ པ་ཏཱི་ཏོ སུ་མ་ནོ, ནི་མ་ནྟེ་ཏྭཱ ཏ་ཐཱ་ག་ཏཾ;
ས་སི་སྶཾ བྷོ་ཛ་ཡི་ཏྭཱ་ན, ཏཾ ཋཱ་ན་མ་བྷི་པ་ཏྠ་ཡིཾ.
༧༣. ‘‘ཏ་དཱ ཧཾ་ས་ས་མ་བྷཱ་གོ, ཧཾ་ས་དུ་ནྡུ་བྷི་ནི་སྶ་ནོ [ཧཾ་ས་དུ་ནྡུ་བྷི་སུ་སྶ་རོ (སཱི.)];
པ་སྶ་ཐེ་ཏཾ མ་ཧཱ་མ་ཏྟཾ, ཝི་ནི་ཙྪ་ཡ་ཝི་སཱ་ར་དཾ.
༧༤. ‘‘པ་ཏི་ཏཾ པཱ་ད་མཱུ་ལེ མེ, ས་མུ་གྒ་ཏ་ཏ་ནཱུ་རུ་ཧཾ;
ཛཱི་མཱུ་ཏ་ཝ་ཎྞཾ པཱི་ཎཾ་སཾ, པ་ས་ནྣ་ན་ཡ་ནཱ་ན་ནཾ.
༧༥. ‘‘པ་རི་ཝཱ་རེ་ན མ་ཧ་ཏཱ, རཱ་ཛ་ཡུ་ཏྟཾ མ་ཧཱ་ཡ་སཾ;
ཨེ་སོ ཀ་ཏཱ་ཝི་ནོ ཋཱ་ནཾ, པ་ཏྠེ་ཏི མུ་དི་ཏཱ་ས་ཡོ.
༧༦. ‘‘‘ཨི་མི་ནཱ པ་ཎི་པཱ་ཏེ་ན, ཙཱ་གེ་ན པ་ཎི་དྷཱི་ཧི ཙ [པི་ཎྜ་པཱ་ཏེ་ན, ཙེ་ཏ་ནཱ པ་ཎི་དྷཱི་ཧི ཙ (སཱི.)];
ཀ་པྤ་ས་ཏ་ས་ཧ་སྶཱ་ནི, ནུ་པ་པ་ཛྫ་ཏི དུ་གྒ་ཏིཾ.
༧༧. ‘‘‘དེ་ཝེ་སུ དེ་ཝ་སོ་བྷ་གྒཾ, མ་ནུ་སྶེ་སུ མ་ཧ་ནྟ་ཏཾ;
ཨ་ནུ་བྷོ་ཏྭཱ་ན སེ་སེ་ན [ཨ་བྷུ་ཏྭཱ་ཝ སེ་སེ་ན (སཱི.), ཨ་ནུ་བྷོ་ཏྭཱ་ཝ སེ་སེ་ན (སྱཱ.)], ནི་བྦཱ་ནཾ པཱ་པུ་ཎི་སྶ་ཏི.
༧༨. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༧༩. ‘‘‘ཏ་སྶ དྷ་མྨེ་སུ དཱ་ཡཱ་དོ, ཨོ་ར་སོ དྷ་མྨ་ནི་མྨི་ཏོ;
ཀ་པྤི་ནོ ནཱ་མ ནཱ་མེ་ན, ཧེ་སྶ་ཏི ས་ཏྠུ སཱ་ཝ་ཀོ’.
༨༠. ‘‘ཏ་ཏོ་ཧཾ སུ་ཀ་ཏཾ ཀཱ་རཾ, ཀ་ཏྭཱ་ན ཛི་ན་སཱ་ས་ནེ;
ཛ་ཧི་ཏྭཱ མཱ་ནུ་སཾ དེ་ཧཾ, ཏུ་སི་ཏཾ ཨ་ག་མཱ་ས་ཧཾ.
༨༡. ‘‘དེ་ཝ་མཱ་ནུ་ས་ར་ཛྫཱ་ནི, ས་ཏ་སོ ཨ་ནུ་སཱ་སི་ཡ;
བཱ་རཱ་ཎ་སི་ཡ་མཱ་ས་ནྣེ, ཛཱ་ཏོ ཀེ་ནི་ཡ་ཛཱ་ཏི་ཡཾ.
༨༢. ‘‘ས་ཧ་སྶ་པ་རི་ཝཱ་རེ་ན [ས་ཏ་ས་ཧ་སྶ་པ་རི་ཝཱ་རོ (སྱཱ.)], ས་པ་ཛཱ་པ་ཏི་ཀོ ཨ་ཧཾ;
པ་ཉྩ པ་ཙྩེ་ཀ་བུ་དྡྷཱ་ནཾ, ས་ཏཱ་ནི ས་མུ་པ་ཊྛ་ཧིཾ.
༨༣. ‘‘ཏེ་མཱ་སཾ བྷོ་ཛ་ཡི་ཏྭཱ་ན, པ་ཙྪཱ་ད་མྷ ཏི་ཙཱི་ཝ་རཾ;
ཏ་ཏོ ཙུ་ཏཱ མ་ཡཾ ས་བྦེ, ཨ་ཧུ་མྷ ཏི་ད་སཱུ་པ་གཱ.
༨༤. ‘‘པུ་ནོ ས་བྦེ མ་ནུ་སྶ་ཏྟཾ, ཨ་ག་མི་མྷ ཏ་ཏོ ཙུ་ཏཱ;
ཀུ་ཀྐུ་ཊ་མྷི པུ་རེ ཛཱ་ཏཱ, ཧི་མ་ཝ་ནྟ་སྶ པ་སྶ་ཏོ.
༨༥. ‘‘ཀ་པྤི་ནོ ནཱ་མ་ཧཾ ཨཱ་སིཾ, རཱ་ཛ་པུ་ཏྟོ མ་ཧཱ་ཡ་སོ;
སེ་སཱ་མ་ཙྩ་ཀུ་ལེ ཛཱ་ཏཱ, མ་མེ་ཝ པ་རི་ཝཱ་ར་ཡུཾ.
༨༦. ‘‘མ་ཧཱ་ར་ཛྫ་སུ་ཁཾ པ་ཏྟོ, ས་བྦ་ཀཱ་མ་ས་མི་དྡྷི་མཱ;
ཝཱ་ཎི་ཛེ་ཧི ས་མ་ཀྑཱ་ཏཾ, བུ་དྡྷུ་པྤཱ་ད་མ་ཧཾ སུ་ཎིཾ.
༨༧. ‘‘‘བུ་དྡྷོ ལོ་ཀེ ས་མུ་པྤ་ནྣོ, ཨ་ས་མོ ཨེ་ཀ་པུ་གྒ་ལོ;
སོ པ་ཀཱ་སེ་ཏི ས་དྡྷ་མྨཾ, ཨ་མ་ཏཾ སུ་ཁ་མུ་ཏྟ་མཾ.
༨༨. ‘‘‘སུ་ཡུ་ཏྟཱ ཏ་སྶ སི་སྶཱ ཙ, སུ་མུ་ཏྟཱ ཙ ཨ་ནཱ་ས་ཝཱ’;
‘‘སུ་ཏྭཱ ནེ་སཾ སུ་ཝ་ཙ་ནཾ, ས་ཀྐ་རི་ཏྭཱ་ན ཝཱ་ཎི་ཛེ.
༨༩. ‘‘པ་ཧཱ་ཡ ར་ཛྫཾ སཱ་མ་ཙྩོ, ནི་ཀྑ་མིཾ བུ་དྡྷ་མཱ་མ་ཀོ;
ན་དིཾ དི་སྭཱ མ་ཧཱ་ཙ་ནྡཾ, པཱུ་རི་ཏཾ ས་མ་ཏི་ཏྟི་ཀཾ.
༩༠. ‘‘ཨ་པྤ་ཏི་ཊྛཾ ཨ་ནཱ་ལ་མྦཾ, དུ་ཏྟ་རཾ སཱི་གྷ་ཝཱ་ཧི་ནིཾ;
གུ་ཎཾ ས་རི་ཏྭཱ བུ་དྡྷ་སྶ, སོ་ཏྠི་ནཱ ས་མ་ཏི་ཀྐ་མིཾ.
༩༡. ‘‘‘བྷ་ཝ་སོ་ཏཾ ས་ཙེ བུ་དྡྷོ, ཏི་ཎྞོ ལོ་ཀ་ནྟ་གཱུ ཝི་དཱུ [ཝི་བྷཱུ (ཀ.)];
ཨེ་ཏེ་ན ས་ཙྩ་ཝ་ཛྫེ་ན, ག་མ་ནཾ མེ ས་མི་ཛ྄ཛྷ་ཏུ.
༩༢. ‘‘‘ཡ་དི ས་ནྟི་ག་མོ མ་གྒོ, མོ་ཀྑོ ཙ་ཙྩ་ནྟི་ཀཾ [མོ་ཀྑ་དཾ ས་ནྟི་ཀཾ (སྱཱ.)] སུ་ཁཾ;
ཨེ་ཏེ་ན ས་ཙྩ་ཝ་ཛྫེ་ན, ག་མ་ནཾ མེ ས་མི་ཛ྄ཛྷ་ཏུ.
༩༣. ‘‘‘ས་ངྒྷོ ཙེ ཏི་ཎྞ་ཀ་ནྟཱ་རོ, པུ་ཉྙ་ཀྑེ་ཏྟོ ཨ་ནུ་ཏྟ་རོ;
ཨེ་ཏེ་ན ས་ཙྩ་ཝ་ཛྫེ་ན, ག་མ་ནཾ མེ ས་མི་ཛ྄ཛྷ་ཏུ’.
༩༤. ‘‘ས་ཧ ཀ་ཏེ ས་ཙྩ་ཝ་རེ, མ་གྒཱ ཨ་པ་ག་ཏཾ ཛ་ལཾ;
ཏ་ཏོ སུ་ཁེ་ན ཨུ་ཏྟི་ཎྞོ, ན་དཱི་ཏཱི་རེ མ་ནོ་ར་མེ.
༩༥. ‘‘ནི་སི་ནྣཾ ཨ་དྡ་སཾ བུ་དྡྷཾ, ཨུ་དེ་ནྟཾ་ཝ པ་བྷ་ངྐ་རཾ;
ཛ་ལ་ནྟཾ ཧེ་མ་སེ་ལཾ་ཝ, དཱི་པ་རུ་ཀྑཾ་ཝ ཛོ་ཏི་ཏཾ.
༩༦. ‘‘ས་སིཾ་ཝ ཏཱ་རཱ་ས་ཧི་ཏཾ, སཱ་ཝ་ཀེ་ཧི པུ་ར་ཀྑ་ཏཾ;
ཝཱ་ས་ཝཾ ཝི་ཡ ཝ་སྶ་ནྟཾ, དེ་ས་ནཱ་ཛ་ལ་ད་ནྟ་རཾ [དེ་ཝེ་ན ཛ་ལ་ན་ནྡ་ནཾ (སྱཱ. པཱི.)].
༩༧. ‘‘ཝ་ནྡི་ཏྭཱ་ན ས་ཧཱ་མ་ཙྩོ, ཨེ་ཀ་མ་ནྟ་མུ་པཱ་ཝི་སིཾ;
ཏ་ཏོ ནོ ཨཱ་ས་ཡཾ [ཏ་ཏོ ཨ་ཛ྄ཛྷཱ་ས་ཡཾ (སྱཱ.)] ཉ་ཏྭཱ, བུ་དྡྷོ དྷ་མྨ་མ་དེ་ས་ཡི.
༩༨. ‘‘སུ་ཏྭཱ་ན དྷ་མྨཾ ཝི་མ་ལཾ, ཨ་ཝོ་ཙུ་མྷ མ་ཡཾ ཛི་ནཾ;
‘པ་བྦཱ་ཛེ་ཧི མ་ཧཱ་ཝཱི་ར, ནི་བྦི་ནྡཱ་མྷ [ནི་བྦི་ནྣཱ་མྷ (སཱི. པཱི.), ཨོ་ཏི་ཎྞ་མྷ (སྱཱ.)] མ་ཡཾ བྷ་ཝེ’.
༩༩. ‘‘‘སྭ་ཀྑཱ་ཏོ བྷི་ཀྑ་ཝེ དྷ་མྨོ, དུ་ཀྑ་ནྟ་ཀ་ར་ཎཱ་ཡ ཝོ;
ཙ་ར་ཐ བྲ་ཧྨ་ཙ་རི་ཡཾ’, ཨི་ཙྩཱ་ཧ མུ་ནི་ས་ཏྟ་མོ.
༡༠༠. ‘‘ས་ཧ ཝཱ་ཙཱ་ཡ ས་བྦེ་པི, བྷི་ཀྑུ་ཝེ་ས་དྷ་རཱ མ་ཡཾ;
ཨ་ཧུ་མྷ ཨུ་པ་ས་མྤ་ནྣཱ, སོ་ཏཱ་པ་ནྣཱ ཙ སཱ་ས་ནེ.
༡༠༡. ‘‘ཏ་ཏོ ཛེ་ཏ་ཝ་ནཾ ག་ནྟྭཱ, ཨ་ནུ་སཱ་སི ཝི་ནཱ་ཡ་ཀོ;
ཨ་ནུ་སི་ཊྛོ ཛི་ནེ་ནཱ་ཧཾ, ཨ་ར་ཧ་ཏྟ་མ་པཱ་པུ་ཎིཾ.
༡༠༢. ‘‘ཏ་ཏོ བྷི་ཀྑུ་ས་ཧ་སྶཱ་ནི [བྷི་ཀྑུ་ས་ཧ་སྶཾ ཏཾ (སཱི. པཱི.)], ཨ་ནུ་སཱ་སི་མ་ཧཾ ཏ་དཱ;
མ་མཱ་ནུ་སཱ་ས་ན་ཀ་རཱ, ཏེ་པི ཨཱ་སུཾ ཨ་ནཱ་ས་ཝཱ.
༡༠༣. ‘‘ཛི་ནོ ཏ་སྨིཾ གུ་ཎེ ཏུ་ཊྛོ, ཨེ་ཏ་ད་གྒེ ཋ་པེ་སི མཾ;
བྷི་ཀྑུ་ཨོ་ཝཱ་ད་ཀཱ་ན་གྒོ, ཀ་པྤི་ནོ་ཏི མ་ཧཱ་ཛ་ནེ.
༡༠༤. ‘‘ས་ཏ་ས་ཧ་སྶེ ཀ་ཏཾ ཀ་མྨཾ, ཕ་ལཾ ད་སྶེ་སི མེ ཨི་དྷ;
པ་མུ་ཏྟོ ས་ར་ཝེ་གོ་ཝ, ཀི་ལེ་སེ ཛྷཱ་པ་ཡིཾ [ཛྷཱ་པ་ཡཱི (སཱི.)] མ་མ.
༡༠༥. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༠༦. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༠༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཧཱ་ཀ་པྤི་ནོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
མ་ཧཱ་ཀ་པྤི་ན་ཏྠེ་ར་སྶཱ་པ་དཱ་ནཾ ཏ་ཏི་ཡཾ.