༩. ཨཱ་མ་ཎྜ་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ
༧༤. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཝུ་ཊྛ་ཧི་ཏྭཱ ས་མཱ་དྷི་མྷཱ, ཙ་ངྐ་མཱི ལོ་ཀ་ནཱ་ཡ་ཀོ.
༧༥. ‘‘ཁཱ་རི་བྷཱ་རཾ ག་ཧེ་ཏྭཱ་ན, ཨཱ་ཧ་ར་ནྟོ ཕ་ལཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ཙ་ངྐ་མ་ནྟཾ མ་ཧཱ་མུ་ནིཾ.
༧༦. ‘‘པ་ས་ནྣ་ཙི་ཏྟོ སུ་མ་ནོ, སི་རེ ཀ་ཏྭཱ་ན ཨ་ཉྫ་ལིཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨཱ་མ་ཎྜ་མ་ད་དིཾ ཕ་ལཾ.
༧༧. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཕ་ལཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨཱ་མ་ཎྜ་སྶ ཨི་དཾ ཕ་ལཾ.
༧༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༧༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༨༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་མ་ཎྜ་ཕ་ལ་དཱ་ཡ་ཀོ ཐེ་རོ ཨི་མཱ
གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་མ་ཎྜ་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.