༨. ཙ་ངྐ་མ་ན་དཱ་ཡ་ཀ་ཏྠེ་ར་ཨ་པ་དཱ་ནཾ

༩༣. ‘‘ཨ་ཏྠ་ད་སྶི་སྶ མུ་ནི་ནོ, ལོ་ཀ་ཛེ་ཊྛ་སྶ ཏཱ་དི་ནོ;

ཨི་ཊྛ་ཀཱ་ཧི ཙི་ནི་ཏྭཱ་ན, ཙ་ངྐ་མཾ ཀཱ་ར་ཡིཾ ཨ་ཧཾ.

༩༤. ‘‘ཨུ་ཙྩ་ཏོ པ་ཉྩ་ར་ཏ་ནཾ, ཙ་ངྐ་མཾ སཱ་དྷུ་མཱ་པི་ཏཾ;

ཨཱ་ཡཱ་མ་ཏོ ཧ་ཏྠ་ས་ཏཾ, བྷཱ་ཝ་ནཱི་ཡྻཾ མ་ནོ་ར་མཾ.

༩༥. ‘‘པ་ཊི་གྒ་ཧེ་སི བྷ་ག་ཝཱ, ཨ་ཏྠ་ད་སྶཱི ན་རུ་ཏྟ་མོ;

ཧ་ཏྠེ་ན པུ་ལི་ནཾ ག་ཡ྄ཧ, ཨི་མཱ གཱ་ཐཱ ཨ་བྷཱ་ས་ཐ.

༩༦. ‘‘‘ཨི་མི་ནཱ པུ་ལི་ན་དཱ་ནེ་ན, ཙ་ངྐ་མཾ སུ་ཀ་ཏེ་ན ཙ;

ས་ཏྟ་ར་ཏ་ན་ས་མྤ་ནྣཾ, པུ་ལི་ནཾ ཨ་ནུ་བྷོ་སྶ་ཏི.

༩༧. ‘‘‘ཏཱི་ཎི ཀ་པྤཱ་ནི དེ་ཝེ་སུ, དེ་ཝ་ར་ཛྫཾ ཀ་རི་སྶ་ཏི;

ཨ་ནུ་བྷོ་སྶ་ཏི ས་མྤ་ཏྟིཾ, ཨ་ཙྪ་རཱ་ཧི པུ་ར་ཀྑ་ཏོ.

༩༨. ‘‘‘མ་ནུ་སྶ་ལོ་ཀ་མཱ་ག་ནྟྭཱ, རཱ་ཛཱ ར་ཊྛེ བྷ་ཝི་སྶ་ཏི;

ཏི་ཀྑ་ཏྟུཾ ཙ་ཀྐ་ཝ་ཏྟཱི ཙ, མ་ཧི་ཡཱ སོ བྷ་ཝི་སྶ་ཏི’.

༩༩. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཀ་མྨ་མ་ཀ་རིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ཙ་ངྐ་མ་སྶ ཨི་དཾ ཕ་ལཾ.

༡༠༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཙ་ངྐ་མ་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཙ་ངྐ་མ་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.