༨. པཱ་ད་པཱི་ཋི་ཡ་ཏྠེ་ར་ཨ་པ་དཱ་ནཾ
༥༠. ‘‘སུ་མེ་དྷོ ནཱ་མ ས་མྦུ་དྡྷོ, ཨ་གྒོ ཀཱ་རུ་ཎི་ཀོ མུ་ནི;
ཏཱ་ར་ཡི་ཏྭཱ བ་ཧཱུ ས་ཏྟེ, ནི་བྦུ་ཏོ སོ མ་ཧཱ་ཡ་སོ.
༥༡. ‘‘སཱི་ཧཱ་ས་ན་སྶ སཱ་མ་ནྟཱ, སུ་མེ་དྷ་སྶ མ་ཧེ་སི་ནོ;
པ་ས་ནྣ་ཙི་ཏྟོ སུ་མ་ནོ, པཱ་ད་པཱི་ཋ་མ་ཀཱ་ར་ཡིཾ.
༥༢. ‘‘ཀ་ཏྭཱ་ན ཀུ་ས་ལཾ ཀ་མྨཾ, སུ་ཁ་པཱ་ཀཾ སུ་ཁུ་དྲ་ཡཾ;
པུ་ཉྙ་ཀ་མྨེ་ན སཾ་ཡུ་ཏྟོ, ཏཱ་ཝ་ཏིཾ་ས་མ་ག་ཙྪ་ཧཾ.
༥༣. ‘‘ཏ་ཏྠ མེ ཝ་ས་མཱ་ན་སྶ, པུ་ཉྙ་ཀ་མྨ་ས་མ་ངྒི་ནོ;
པ་དཱ་ནི ཨུ་དྡྷ་ར་ནྟ་སྶ, སོ་ཎྞ་པཱི་ཋཱ བྷ་ཝ་ནྟི མེ.
༥༤. ‘‘ལཱ་བྷཱ ཏེ་སཾ སུ་ལ་དྡྷཾ ཝོ, ཡེ ལ་བྷ་ནྟི ཨུ་པ་སྶུ་ཏིཾ;
ནི་བྦུ་ཏེ ཀཱ་རཾ ཀ་ཏྭཱ་ན, ལ་བྷ་ནྟི ཝི་པུ་ལཾ སུ་ཁཾ.
༥༥. ‘‘མ་ཡཱ་པི སུ་ཀ་ཏཾ ཀ་མྨཾ, ཝཱ་ཎི་ཛྫཾ སུ་པྤ་ཡོ་ཛི་ཏཾ;
པཱ་ད་པཱི་ཋཾ ཀ་རི་ཏྭཱ་ན, སོ་ཎྞ་པཱི་ཋཾ ལ་བྷཱ་མ་ཧཾ.
༥༦. ‘‘ཡཾ ཡཾ དི་སཾ པ་ཀྐ་མཱ་མི, ཀེ་ན་ཙི ཀི་ཙྩ་ཡེ་ན་ཧཾ [པ་ཙྩ་ཡེ་ན་ཧཾ (སཱི. པཱི.)];
སོ་ཎྞ་པཱི་ཋེ ཨ་ཀྐ་མཱ་མི [སོ་ཎྞ་པཱི་ཋེ་ན ཀ་མཱ་མི (ཀ.)], པུ་ཉྙ་ཀ་མྨ་སྶི་དཾ ཕ་ལཾ.
༥༧. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པཱ་ད་པཱི་ཋ་སྶི་དཾ ཕ་ལཾ.
༥༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༥༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༦༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ད་པཱི་ཋི་ཡོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
པཱ་ད་པཱི་ཋི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.