༩. ཝེ་དི་ཀཱ་ར་ཀ་ཏྠེ་ར་ཨ་པ་དཱ་ནཾ
༦༡. ‘‘པ་དུ་མུ་ཏྟ་ར་སྶ བྷ་ག་ཝ་ཏོ, བོ་དྷི་ཡཱ པཱ་ད་པུ་ཏྟ་མེ;
ཝེ་དི་ཀཾ སུ་ཀ་ཏཾ ཀ་ཏྭཱ, ས་ཀཾ ཙི་ཏྟཾ པ་སཱ་ད་ཡིཾ.
༦༢. ‘‘ཨ་ཏོ་ལཱ༹་རཱ་ནི [ཨ་ཐོ་ལཱ༹་རཱ་ནི (སཱི. པཱི.), ཨ་གྒོ་ལཱ༹་རཱ་ནི (སྱཱ.)] བྷ་ཎྜཱ་ནི, ཀ་ཏཱ་ནི ཨ་ཀ་ཏཱ་ནི ཙ;
ཨ་ནྟ་ལི་ཀྑཱ པ་ཝ་སྶ་ནྟི, ཝེ་དི་ཀཱ་ཡ ཨི་དཾ ཕ་ལཾ.
༦༣. ‘‘ཨུ་བྷ་ཏོ བྱཱུ་ལ༹ྷ་ས་ངྒཱ་མེ, པ་ཀྑ་ནྡ་ནྟོ བྷ་ཡཱ་ན་ཀེ;
བྷ་ཡ་བྷེ་ར་ཝཾ ན པ་སྶཱ་མི, ཝེ་དི་ཀཱ་ཡ ཨི་དཾ ཕ་ལཾ.
༦༤. ‘‘མ་མ ས་ངྐ་པྤ་མ་ཉྙཱ་ཡ, བྱ་མྷཾ ནི་བྦ་ཏྟ་ཏེ སུ་བྷཾ;
ས་ཡ་ནཱ་ནི མ་ཧ་གྒྷཱ་ནི, ཝེ་དི་ཀཱ་ཡ ཨི་དཾ ཕ་ལཾ.
༦༥. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཝེ་དི་ཀ་མ་ཀཱ་ར་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝེ་དི་ཀཱ་ཡ ཨི་དཾ ཕ་ལཾ.
༦༦. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༦༧. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༦༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝེ་དི་ཀཱ་ར་ཀོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ཝེ་དི་ཀཱ་ར་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.