༣. པཱ་ཊི་ཧཱི་ར་ས་ཉྙ་ཀ་ཏྠེ་ར་ཨ་པ་དཱ་ནཾ
༢༦. ‘‘པ་དུ་མུ་ཏྟ་རོ ནཱ་མ ཛི་ནོ, ཨཱ་ཧུ་ཏཱི་ནཾ པ་ཊི་གྒ་ཧོ;
ཝ་སཱི་ས་ཏ་ས་ཧ་སྶེ་ཧི, ན་ག་རཾ པཱ་ཝི་སཱི ཏ་དཱ.
༢༧. ‘‘ན་ག་རཾ པ་ཝི་ས་ནྟ་སྶ, ཨུ་པ་ས་ནྟ་སྶ ཏཱ་དི་ནོ;
ར་ཏ་ནཱ་ནི པ་ཛྫོ་ཏིཾ་སུ [པ་ནཱ་དིཾ་སུ (པཱི.)], ནི་གྒྷོ་སོ ཨཱ་སི ཏཱ་ཝ་དེ.
༢༨. ‘‘བུ་དྡྷ་སྶ ཨཱ་ནུ་བྷཱ་ཝེ་ན, བྷེ་རཱི ཝ་ཛྫུ་མ་གྷ་ཊྚི་ཏཱ;
ས་ཡཾ ཝཱི་ཎཱ པ་ཝ་ཛྫ་ནྟི, བུ་དྡྷ་སྶ པ་ཝི་ས་ཏོ པུ་རཾ.
༢༩. ‘‘བུ་དྡྷ་སེ་ཊྛཾ ན་མ་སྶཱ་མི [ན པ་སྶཱ་མི (སཱི.)], པ་དུ་མུ་ཏྟ་ར་མ་ཧཱ་མུ་ནིཾ;
པཱ་ཊི་ཧཱི་ར་ཉྩ པ་སྶི་ཏྭཱ, ཏ་ཏྠ ཙི་ཏྟཾ པ་སཱ་ད་ཡིཾ.
༣༠. ‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ་ས་མྤ་དཱ;
ཨ་ཙེ་ཏ་ནཱ་པི ཏུ་རི་ཡཱ, ས་ཡ་མེ་ཝ པ་ཝ་ཛྫ་རེ.
༣༡. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༣༢. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༣༣. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ཊི་ཧཱི་ར་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
པཱ་ཊི་ཧཱི་ར་ས་ཉྙ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.