༤. ཉཱ་ཎ་ཏྠ་ཝི་ཀ་ཏྠེ་ར་ཨ་པ་དཱ་ནཾ
༣༥. ‘‘ཀ་ཎི་ཀཱ་རཾ་ཝ ཛ་ལི་ཏཾ, དཱི་པ་རུ་ཀྑཾ་ཝ ཛོ་ཏི་ཏཾ;
ཀ་ཉྩ་ནཾ་ཝ ཝི་རོ་ཙ་ནྟཾ, ཨ་དྡ་སཾ དྭི་པ་དུ་ཏྟ་མཾ.
༣༦. ‘‘ཀ་མ་ཎྜ་ལུཾ ཋ་པེ་ཏྭཱ་ན, ཝཱ་ཀ་ཙཱི་ར་ཉྩ ཀུ་ཎྜི་ཀཾ;
ཨེ་ཀཾ་སཾ ཨ་ཛི་ནཾ ཀ་ཏྭཱ, བུ་དྡྷ་སེ་ཊྛཾ ཐ་ཝིཾ ཨ་ཧཾ.
༣༧. ‘‘‘ཏ་མ་ནྡྷ་ཀཱ་རཾ ཝི་དྷ་མཾ, མོ་ཧ་ཛཱ་ལ་ས་མཱ་ཀུ་ལཾ;
ཉཱ་ཎཱ་ལོ་ཀཾ ད་སྶེ་ཏྭཱ་ན, ནི་ཏྟི་ཎྞོ་སི མ་ཧཱ་མུ་ནི.
༣༨. ‘‘‘ས་མུ་དྡྷ་ར་སི་མཾ ལོ་ཀཾ, ས་བྦཱ་ཝ་ནྟ་མ་ནུ་ཏྟ་རཾ;
ཉཱ་ཎེ ཏེ ཨུ་པ་མཱ ན་ཏྠི, ཡཱ་ཝ་ཏཱ་ཛ་ག་ཏོ་ག་ཏི [ཡཱ་ཝ་ཏཱ ཙ ག་ཏོ་ག་ཏི (པཱི. ཀ.)].
༣༩. ‘‘‘ཏེ་ན ཉཱ་ཎེ་ན ས་བྦ་ཉྙཱུ, ཨི་ཏི བུ་དྡྷོ པ་ཝུ་ཙྩ་ཏི;
ཝ་ནྡཱ་མི ཏཾ མ་ཧཱ་ཝཱི་རཾ, ས་བྦ་ཉྙུ་ཏ་མ་ནཱ་ཝ་རཾ’.
༤༠. ‘‘ས་ཏ་ས་ཧ་སྶི་ཏོ ཀ་པྤེ, བུ་དྡྷ་སེ་ཊྛཾ ཐ་ཝིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་ཏྠ་ཝཱ་ཡི་དཾ ཕ་ལཾ;
༤༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ;
༤༢. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཉཱ་ཎ་ཏྠ་ཝི་ཀོ ཐེ་རོ ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ཉཱ་ཎ་ཏྠ་ཝི་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.