༩. པ་ཏྠོ་ད་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༡༧༠. ‘‘ཝ་ན་ཙཱ་རཱི པུ་རེ ཨཱ་སིཾ, ས་ཏ་ཏཾ ཝ་ན་ཀ་མྨི་ཀོ;
པ་ཏྠོ་ད་ནཾ ག་ཧེ་ཏྭཱ་ན, ཀ་མྨ་ནྟཾ ཨ་ག་མཱ་ས་ཧཾ.
༡༧༡. ‘‘ཏ་ཏྠ་དྡ་སཱ་སིཾ ས་མྦུ་དྡྷཾ, ས་ཡ་མྦྷུཾ ཨ་པ་རཱ་ཛི་ཏཾ;
ཝ་ནཱ པི་ཎྜཱ་ཡ ནི་ཀྑ་ནྟཾ, དི་སྭཱ ཙི་ཏྟཾ པ་སཱ་ད་ཡིཾ.
༡༧༢. ‘‘པ་ར་ཀ་མྨཱ་ཡ་ནེ [ཝ་ཡ་ཀ་མྨཱ་ཡ་ནེ (ཀ.)] ཡུ་ཏྟོ, པུ་ཉྙ་ཉྩ མེ ན ཝི་ཛྫ་ཏི;
ཨ་ཡཾ པ་ཏྠོ་ད་ནོ ཨ་ཏྠི, བྷོ་ཛ་ཡི་སྶཱ་མ་ཧཾ [བྷོ་ཛ་ཡི་སྶཱ་མི མཾ (སྱཱ.)] མུ་ནིཾ.
༡༧༣. ‘‘པ་ཏྠོ་ད་ནཾ ག་ཧེ་ཏྭཱ་ན, ས་ཡ་མྦྷུ་སྶ ཨ་དཱ་ས་ཧཾ;
མ་མ ནི་ཛ྄ཛྷཱ་ཡ་མཱ་ན་སྶ, པ་རི་བྷུ་ཉྫི ཏ་དཱ མུ་ནི.
༡༧༤. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༧༥. ‘‘ཚ་ཏྟིཾ་ས་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫ་མ་ཀཱ་ར་ཡིཾ;
ཏེ་ཏྟིཾ་ས་ཀྑ་ཏྟུཾ རཱ་ཛཱ ཙ, ཙ་ཀྐ་ཝ་ཏྟཱི ཨ་ཧོ་ས་ཧཾ.
༡༧༦. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
སུ་ཁི་ཏོ ཡ་ས་ཝཱ ཧོ་མི, པ་ཏྠོ་ད་ན་སྶི་དཾ ཕ་ལཾ.
༡༧༧. ‘‘བྷ་ཝཱ་བྷ་ཝེ སཾ་ས་ར་ནྟོ, ལ་བྷཱ་མི ཨ་མི་ཏཾ དྷ་ནཾ;
བྷོ་གེ མེ ཨཱུ་ན་ཏཱ ན་ཏྠི, པ་ཏྠོ་ད་ན་སྶི་དཾ ཕ་ལཾ.
༡༧༨. ‘‘ན་དཱི་སོ་ཏ་པ་ཊི་བྷཱ་གཱ, བྷོ་གཱ ནི་བྦ་ཏྟ་རེ མ་མ;
པ་རི་མེ་ཏུཾ ན ས་ཀྐོ་མི, པ་ཏྠོ་ད་ན་སྶི་དཾ ཕ་ལཾ.
༡༧༩. ‘‘ཨི་མཾ ཁཱ་ད ཨི་མཾ བྷུ་ཉྫ, ཨི་མ་མྷི ས་ཡ་ནེ ས་ཡ;
ཏེ་ནཱ་ཧཾ སུ་ཁི་ཏོ ཧོ་མི, པ་ཏྠོ་ད་ན་སྶི་དཾ ཕ་ལཾ.
༡༨༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཏྠོ་ད་ན་སྶི་དཾ ཕ་ལཾ.
༡༨༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༨༢. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༨༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཏྠོ་ད་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཏྠོ་ད་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.