༨. ཡཱ་གུ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༤༩. ‘‘ཨ་ཏི་ཐིཾ [ཨ་ཏཱི་ཏཾ (ཀ.)] མེ ག་ཧེ་ཏྭཱ་ན, ཨ་ག་ཙྪིཾ གཱ་མ་ཀཾ ཏ་དཱ;
ས་མྤུ་ཎྞ་ན་དི་ཀཾ དི་སྭཱ, ས་ངྒྷཱ་རཱ་མཾ ཨུ་པཱ་ག་མིཾ.
༡༥༠. ‘‘ཨཱ་ར་ཉྙ་ཀཱ དྷུ་ཏ་དྷ་རཱ, ཛྷཱ་ཡི་ནོ ལཱུ་ཁ་ཙཱི་ཝ་རཱ;
ཝི་ཝེ་ཀཱ་བྷི་ར་ཏཱ དྷཱི་རཱ, ས་ངྒྷཱ་རཱ་མེ ཝ་ས་ནྟི ཏེ.
༡༥༡. ‘‘ག་ཏི ཏེ་སཾ ཨུ་པ་ཙྪི་ནྣཱ, སུ་ཝི་མུ་ཏྟཱ་ན ཏཱ་དི་ནཾ;
པི་ཎྜཱ་ཡ ཏེ ན ག་ཙྪ་ནྟི, ཨོ་རུ་དྡྷ་ན་དི་ཏཱ་ཡ ཧི [ཨོ་རུ་དྡྷ་ན་དི་ཀཱ་ཡ་ཏིཾ (སྱཱ.)].
༡༥༢. ‘‘པ་ས་ནྣ་ཙི་ཏྟོ སུ་མ་ནོ, ཝེ་ད་ཛཱ་ཏོ ཀ་ཏ་ཉྫ་ལཱི;
ཏ་ཎྜུ་ལཾ མེ ག་ཧེ་ཏྭཱ་ན, ཡཱ་གུ་དཱ་ནཾ ཨ་དཱ་ས་ཧཾ.
༡༥༣. ‘‘པ་ཉྩ་ནྣཾ ཡཱ་གུཾ ད་ཏྭཱ་ན, པ་ས་ནྣོ སེ་ཧི པཱ་ཎི་བྷི;
ས་ཀ་ཀ་མྨཱ་བྷི་ར་དྡྷོ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༥༤. ‘‘མ་ཎི་མ་ཡ་ཉྩ མེ བྱ་མྷཾ, ནི་བྦ་ཏྟི ཏི་ད་སེ ག་ཎེ;
ནཱ་རཱི་ག་ཎེ་ཧི ས་ཧི་ཏོ, མོ་དཱ་མི བྱ་མྷ་མུ་ཏྟ་མེ.
༡༥༥. ‘‘ཏེ་ཏྟིཾ་ས་ཀྑ་ཏྟུཾ དེ་ཝི་ནྡོ, དེ་ཝ་ར་ཛྫ་མ་ཀཱ་ར་ཡིཾ;
ཏིཾ་ས་ཀྑ་ཏྟུཾ ཙ་ཀྐ་ཝ་ཏྟཱི, མ་ཧཱ་ར་ཛྫ་མ་ཀཱ་ར་ཡིཾ.
༡༥༦. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
དེ་ཝ་ལོ་ཀེ མ་ནུ་སྶེ ཝཱ, ཨ་ནུ་བྷོ་ཏྭཱ ས་ཡཾ [ཡ་སཾ (སྱཱ.)] ཨ་ཧཾ.
༡༥༧. ‘‘པ་ཙྪི་མེ བྷ་ཝེ ས་མྤ་ཏྟེ, པ་བྦ་ཛིཾ ཨ་ན་གཱ་རི་ཡཾ;
ས་ཧ ཨོ་རོ་པི་ཏེ ཀེ་སེ, ས་བྦཾ ས་མྤ་ཊི་ཝི་ཛ྄ཛྷ་ཧཾ.
༡༥༨. ‘‘ཁ་ཡ་ཏོ ཝ་ཡ་ཏོ ཙཱ་པི, ས་མྨ་ས་ནྟོ ཀ་ལེ༹་ཝ་རཾ;
པུ་རེ སི་ཀྑཱ་པ་དཱ་དཱ་ནཱ, ཨ་ར་ཧ་ཏྟ་མ་པཱ་པུ་ཎིཾ.
༡༥༩. ‘‘སུ་དི་ནྣཾ མེ དཱ་ན་ཝ་རཾ, ཝཱ་ཎི་ཛྫཾ ས་མྤ་ཡོ་ཛི་ཏཾ;
ཏེ་ནེ་ཝ ཡཱ་གུ་དཱ་ནེ་ན, པ་ཏྟོ་མྷི ཨ་ཙ་ལཾ པ་དཾ.
༡༦༠. ‘‘སོ་ཀཾ པ་རི་དྡ་ཝཾ བྱཱ་དྷིཾ, ད་ར་ཐཾ ཙི་ཏྟ་ཏཱ་པ་ནཾ;
ནཱ་བྷི་ཛཱ་ནཱ་མི ཨུ་པྤ་ནྣཾ, ཡཱ་གུ་དཱ་ན་སྶི་དཾ ཕ་ལཾ.
༡༦༡. ‘‘ཡཱ་གུཾ ས་ངྒྷ་སྶ ད་ཏྭཱ་ན, པུ་ཉྙ་ཀྑེ་ཏྟེ ཨ་ནུ་ཏྟ་རེ;
པ་ཉྩཱ་ནི་སཾ་སེ ཨ་ནུ་བྷོ་མི, ཨ་ཧོ ཡཱ་གུ་སུ་ཡི་ཊྛ་ཏཱ.
༡༦༢. ‘‘ཨ་བྱཱ་དྷི་ཏཱ རཱུ་པ་ཝ་ཏཱ, ཁི་པྤཾ དྷ་མྨ་ནི་ས་ནྟི་ཏཱ [ནི་བུ་ཛ྄ཛྷི་ཏཱ (སྱཱ.)];
ལཱ་བྷི་ཏཱ ཨ་ནྣ་པཱ་ན་སྶ, ཨཱ་ཡུ པ་ཉྩ་མ་ཀཾ མ་མ.
༡༦༣. ‘‘ཡོ ཀོ་ཙི ཝེ་དཾ ཛ་ན་ཡཾ, ས་ངྒྷེ ཡཱ་གུཾ ད་དེ་ཡྻ སོ;
ཨི་མཱ་ནི པ་ཉྩ ཋཱ་ནཱ་ནི, པ་ཊི་ག་ཎྷེ་ཡྻ པ་ཎྜི་ཏོ.
༡༦༤. ‘‘ཀ་ར་ཎཱི་ཡཾ ཀ་ཏཾ ས་བྦཾ, བྷ་ཝཱ ཨུ་གྒྷཱ་ཊི་ཏཱ མ་ཡཱ;
ས་བྦཱ་ས་ཝཱ པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༡༦༥. ‘‘སོ ཨ་ཧཾ ཝི་ཙ་རི་སྶཱ་མི, གཱ་མཱ གཱ་མཾ པུ་རཱ པུ་རཾ;
ན་མ་སྶ་མཱ་ནོ ས་མྦུ་དྡྷཾ, དྷ་མྨ་སྶ ཙ སུ་དྷ་མྨ་ཏཾ.
༡༦༦. ‘‘ཏིཾ་ས་ཀ་པྤ་ས་ཧ་སྶ་མྷི, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཡཱ་གུ་དཱ་ན་སྶི་དཾ ཕ་ལཾ.
༡༦༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༦༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༦༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡཱ་གུ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡཱ་གུ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.