༣. ཏི་ཎ་སཱུ་ལ་ཀ་ཚཱ་ད་ནི་ཡ་ཏྠེ་ར་ཨ་པ་དཱ་ནཾ
༧༩. ‘‘ཛཱ་ཏིཾ ཛ་ར་ཉྩ མ་ར་ཎཾ, པ་ཙྩ་ཝེ་ཀྑིཾ ཨ་ཧཾ ཏ་དཱ;
ཨེ་ཀ་ཀོ ཨ་བྷི་ནི་ཀྑ་མྨ, པ་བྦ་ཛིཾ ཨ་ན་གཱ་རི་ཡཾ.
༨༠. ‘‘ཙ་ར་མཱ་ནོ་ནུ་པུ་བྦེ་ན, ག་ངྒཱ་ཏཱི་རཾ ཨུ་པཱ་ག་མིཾ;
ཏ་ཏྠ་དྡ་སཱ་སིཾ པ་ཐ་ཝིཾ, ག་ངྒཱ་ཏཱི་རེ ས་མུ་ནྣ་ཏཾ.
༨༡. ‘‘ཨ་སྶ་མཾ ཏ་ཏྠ མཱ་པེ་ཏྭཱ, ཝ་སཱ་མི ཨ་སྶ་མེ ཨ་ཧཾ;
སུ་ཀ་ཏོ ཙ་ངྐ་མོ མ་ཡ྄ཧཾ, ནཱ་ནཱ་དི་ཛ་ག་ཎཱ་ཡུ་ཏོ.
༨༢. ‘‘མ་མུ་པེ་ནྟི ཙ ཝི་སྶ་ཏྠཱ, ཀཱུ་ཛ་ནྟི ཙ མ་ནོ་ཧ་རཾ;
ར་མ་མཱ་ནོ ས་ཧ ཏེ་ཧི, ཝ་སཱ་མི ཨ་སྶ་མེ ཨ་ཧཾ.
༨༣. ‘‘མ་མ ཨ་སྶ་མ་སཱ་མ་ནྟཱ, མི་ག་རཱ་ཛཱ ཙ་ཏུ་ཀྐ་མོ;
ཨཱ་ས་ཡཱ ཨ་བྷི་ནི་ཀྑ་མྨ, ག་ཛྫི སོ ཨ་ས་ནཱི ཝི་ཡ.
༨༤. ‘‘ན་དི་ཏེ མི་ག་རཱ་ཛེ ཙ, ཧཱ་སོ མེ ཨུ་ད་པ་ཛྫ་ཐ;
མི་ག་རཱ་ཛཾ ག་ཝེ་ས་ནྟོ, ཨ་དྡ་སཾ ལོ་ཀ་ནཱ་ཡ་ཀཾ.
༨༥. ‘‘དི་སྭཱ་ནཱ་ཧཾ དེ་ཝ་དེ་ཝཾ, ཏི་སྶཾ ལོ་ཀ་གྒ་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, པཱུ་ཛ་ཡིཾ ནཱ་ག་ཀེ་ས་རཾ.
༨༦. ‘‘ཨུ་གྒ་ཙྪ་ནྟཾ་ཝ སཱུ་རི་ཡཾ, སཱ་ལ་རཱ་ཛཾ་ཝ པུ་པྥི་ཏཾ;
ཨོ་ས་དྷིཾ་ཝ ཝི་རོ་ཙ་ནྟཾ, ས་ནྠ་ཝིཾ ལོ་ཀ་ནཱ་ཡ་ཀཾ.
༨༧. ‘‘‘ཏ་ཝ ཉཱ་ཎེ་ན ས་བྦ་ཉྙུ, མོ་ཙེ་སི་མཾ ས་དེ་ཝ་ཀཾ;
ཏ་ཝཾ ཨཱ་རཱ་དྷ་ཡི་ཏྭཱ་ན, ཛཱ་ཏི་ཡཱ པ་རི་མུ་ཙྩ་རེ.
༨༨. ‘‘‘ཨ་ད་སྶ་ནེ་ན ས་བྦ་ཉྙུ, བུ་དྡྷཱ་ནཾ ས་བྦ་ད་སྶི་ནཾ;
པ་ཏ་ནྟི་ཝཱི་ཙི་ནི་ར་ཡཾ, རཱ་ག་དོ་སེ་ཧི ཨོ་ཕུ་ཊཱ [ཨོ་ཏྠ་ཊཱ (སྱཱ.)].
༨༩. ‘‘‘ཏ་ཝ ད་སྶ་ན་མཱ་ག་མྨ, ས་བྦ་ཉྙུ ལོ་ཀ་ནཱ་ཡ་ཀ;
པ་མུ་ཙྩ་ནྟི བྷ་ཝཱ ས་བྦཱ, ཕུ་ས་ནྟི ཨ་མ་ཏཾ པ་དཾ.
༩༠. ‘‘‘ཡ་དཱ བུ་དྡྷཱ ཙ་ཀྑུ་མ་ནྟོ, ཨུ་པྤ་ཛྫ་ནྟི པ་བྷ་ངྐ་རཱ;
ཀི་ལེ་སེ ཛྷཱ་པ་ཡི་ཏྭཱ་ན, ཨཱ་ལོ་ཀཾ ད་སྶ་ཡ་ནྟི ཏེ’.
༩༡. ‘‘ཀི་ཏྟ་ཡི་ཏྭཱ་ན ས་མྦུ་དྡྷཾ, ཏི་སྶཾ ལོ་ཀ་གྒ་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, ཏི་ཎ་སཱུ་ལཾ ཨ་པཱུ་ཛ་ཡིཾ.
༩༢. ‘‘མ་མ ས་ངྐ་པྤ་མ་ཉྙཱ་ཡ, ཏི་སྶོ ལོ་ཀ་གྒ་ནཱ་ཡ་ཀོ;
ས་ཀཱ་ས་ནེ ནི་སཱི་དི་ཏྭཱ, ཨི་མཱ གཱ་ཐཱ ཨ་བྷཱ་ས་ཐ.
༩༣. ‘‘‘ཡོ མཾ པུ་པྥེ་ཧི ཚཱ་དེ་སི, པ་ས་ནྣོ སེ་ཧི པཱ་ཎི་བྷི;
ཏ་མ་ཧཾ ཀི་ཏྟ་ཡི་སྶཱ་མི, སུ་ཎཱ་ཐ མ་མ བྷཱ་ས་ཏོ.
༩༤. ‘‘‘པ་ཉྩ་ཝཱི་ས་ཏི་ཀྑ་ཏྟུཾ སོ, དེ་ཝ་ར་ཛྫཾ ཀ་རི་སྶ་ཏི;
པ་ཉྩ་ས་ཏྟ་ཏི་ཀྑ་ཏྟུ་ཉྩ, ཙ་ཀྐ་ཝ་ཏྟཱི བྷ་ཝི་སྶ་ཏི.
༩༥. ‘‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
ཏ་སྶ ཀ་མྨ་ནི་སྶ་ནྡེ་ན [ཀ་མྨ་སྶ ནི་སྶ་ནྡོ (སཱི. སྱཱ. པཱི.)], པུ་པྥཱ་ནཾ པཱུ་ཛ་ནཱ་ཡ ཙ [སོ (སྱཱ. པཱི.)].
༩༦. ‘‘‘སཱི་སཾ་ནྷཱ་ཏོ ཙ་ཡཾ པོ་སོ, པུ་པྥ་མཱ་ཀ་ངྑ་ཏེ ཡ་དི [སཱ་ཡཾ པཱ་ཏོ ཙ་ཡཾ པོ་སོ, པུ་པྥེ་ཧི མཾ ཨ་ཚཱ་ད་ཡི (སྱཱ.)];
པུ་ཉྙ་ཀ་མྨེ་ན སཾ་ཡུ་ཏྟཾ [སཾ་ཡུ་ཏྟོ (སཱི. སྱཱ. པཱི.)], པུ་ར་ཏོ པཱ་ཏུ་བྷ་ཝི་སྶ་ཏི.
༩༧. ‘‘‘ཡཾ ཡཾ ཨི་ཙྪ་ཏི ཀཱ་མེ་ཧི, ཏཾ ཏཾ པཱ་ཏུ་བྷ་ཝི་སྶ་ཏི;
ས་ངྐ་པྤཾ པ་རི་པཱུ་རེ་ཏྭཱ, ནི་བྦཱ་ཡི་སྶ་ཏི་ནཱ་ས་ཝོ’.
ཨ་ཊྛཱ་ར་ས་མཾ བྷཱ་ཎ་ཝཱ་རཾ.
༩༨. ‘‘ཀི་ལེ་སེ ཛྷཱ་པ་ཡི་ཏྭཱ་ན, ས་མྤ་ཛཱ་ནོ པ་ཏི་སྶ་ཏོ;
ཨེ་ཀཱ་ས་ནེ ནི་སཱི་དི་ཏྭཱ, ཨ་ར་ཧ་ཏྟ་མ་པཱ་པུ་ཎིཾ.
༩༩. ‘‘ཙ་ངྐ་མ་ནྟོ ནི་པ་ཛྫ་ནྟོ, ནི་སི་ནྣོ ཨུ་ད ཝཱ ཋི་ཏོ;
བུ་དྡྷ་སེ་ཊྛཾ ས་རི་ཏྭཱ་ན, ཝི་ཧ་རཱ་མི ཨ་ཧཾ ས་དཱ.
༡༠༠. ‘‘ཙཱི་ཝ་རེ པི་ཎྜ་པཱ་ཏེ ཙ, པ་ཙྩ་ཡེ ས་ཡ་ནཱ་ས་ནེ;
ཏ་ཏྠ མེ ཨཱུ་ན་ཏཱ ན་ཏྠི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༠༡. ‘‘སོ དཱ་ནི པ་ཏྟོ ཨ་མ་ཏཾ, ས་ནྟཾ པ་ད་མ་ནུ་ཏྟ་རཾ;
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རཱ་མི ཨ་ནཱ་ས་ཝོ.
༡༠༢. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༠༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༠༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༠༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་སཱུ་ལ་ཀ་ཚཱ་ད་ནི་ཡོ [ཏི་ཎ་སཱུ་ལི་ཀ་ཚཱ་ད་ནི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་སཱུ་ལ་ཀ་ཚཱ་ད་ནི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.