༤. མ་དྷུ་མཾ་ས་དཱ་ཡ་ཀ་ཏྠེ་ར་ཨ་པ་དཱ་ནཾ
༡༠༦. ‘‘ན་ག་རེ བ་ནྡྷུ་མ་ཏི་ཡཱ, སཱུ་ཀ་རི་ཀོ ཨ་ཧོ་ས་ཧཾ;
ཨུ་ཀྐོ་ཊཾ ར་ནྡྷ་ཡི་ཏྭཱ་ན [ཨུ་ཀྐོ་ཊ་ཀཾ ར་ནྡྷ་ཡི་ཏྭཱ (སཱི. སྱཱ.)], མ་དྷུ་མཾ་ས་མྷི [མ་དྷུ་ས་པྤི་མྷི (པཱི.), མ་དྷུཾ མཾ་ས་མྷི (ཀ.)] ཨོ་ཀི་རིཾ.
༡༠༧. ‘‘ས་ནྣི་པཱ་ཏཾ ཨ་ཧཾ ག་ནྟྭཱ, ཨེ་ཀཾ པ་ཏྟཾ ག་ཧེ་ས་ཧཾ;
པཱུ་ར་ཡི་ཏྭཱ་ན ཏཾ པ་ཏྟཾ, བྷི་ཀྑུ་ས་ངྒྷ་སྶ་དཱ་ས་ཧཾ.
༡༠༨. ‘‘ཡོ་ཏྠ ཐེ་ར་ཏ་རོ བྷི་ཀྑུ, ནི་ཡྻཱ་དེ་སི མ་མཾ ཏ་དཱ;
ཨི་མི་ནཱ པ་ཏྟ་པཱུ་རེ་ན, ལ་བྷ་སྶུ ཝི་པུ་ལཾ སུ་ཁཾ.
༡༠༩. ‘‘དུ་ཝེ ས་མྤ་ཏྟི་ཡོ བྷུ་ཏྭཱ, སུ་ཀྐ་མཱུ་ལེ་ན ཙོ་དི་ཏོ;
པ་ཙྪི་མེ ཝ་ཏྟ་མཱ་ན་མྷི, ཀི་ལེ་སེ ཛྷཱ་པ་ཡི་སྶ་ཏི.
༡༡༠. ‘‘ཏ་ཏྠ ཙི་ཏྟཾ པ་སཱ་དེ་ཏྭཱ, ཏཱ་ཝ་ཏིཾ་ས་མ་ག་ཙྪ་ཧཾ;
ཏ་ཏྠ བྷུ་ཏྭཱ པི་ཝི་ཏྭཱ ཙ, ལ་བྷཱ་མི ཝི་པུ་ལཾ སུ་ཁཾ.
༡༡༡. ‘‘མ་ཎྜ་པེ རུ་ཀྑ་མཱུ་ལེ ཝཱ, པུ་བྦ་ཀ་མྨཾ ཨ་ནུ་སྶ་རིཾ;
ཨ་ནྣ་པཱ་ནཱ་བྷི་ཝ་སྶོ མེ, ཨ་བྷི་ཝ་སྶ་ཏི ཏཱ་ཝ་དེ.
༡༡༢. ‘‘ཨི་དཾ པ་ཙྪི་མ་ཀཾ མ་ཡ྄ཧཾ, ཙ་རི་མོ ཝ་ཏྟ་ཏེ བྷ་ཝོ;
ཨི་དྷཱ་པི ཨ་ནྣ་པཱ་ནཾ མེ, ཝ་སྶ་ཏེ ས་བྦ་ཀཱ་ལི་ཀཾ.
༡༡༣. ‘‘ཏེ་ནེ་ཝ མ་དྷུ་དཱ་ནེ་ན [མཾ་ས་དཱ་ནེ་ན (སཱི. པཱི.)], ས་ནྡྷཱ་ཝི་ཏྭཱ བྷ་ཝེ ཨ་ཧཾ;
ས་བྦཱ་ས་ཝེ པ་རི་ཉྙཱ་ཡ, ཝི་ཧ་རཱ་མི ཨ་ནཱ་ས་ཝོ.
༡༡༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་དྷུ་དཱ་ན་སྶི་དཾ ཕ་ལཾ.
༡༡༥. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝོ.
༡༡༦. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་དྷུ་མཾ་ས་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་དྷུ་མཾ་ས་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.