༩. དྷ་མྨ་ཙ་ཀྐི་ཀ་ཏྠེ་ར་ཨ་པ་དཱ་ནཾ
༡༠༢. ‘‘སི་དྡྷ་ཏྠ་སྶ བྷ་ག་ཝ་ཏོ, སཱི་ཧཱ་ས་ན་སྶ ས་མྨུ་ཁཱ;
དྷ་མྨ་ཙ་ཀྐཾ མེ ཋ་པི་ཏཾ, སུ་ཀ་ཏཾ ཝི་ཉྙུ་ཝ་ཎྞི་ཏཾ.
༡༠༣. ‘‘ཙཱ་རུ་ཝ་ཎྞོ་ཝ སོ་བྷཱ་མི, ས་ཡོ་གྒ་བ་ལ་ཝཱ་ཧ་ནོ;
པ་རི་ཝཱ་རེ་ནྟི མཾ ནི་ཙྩཾ, ཨ་ནུ་ཡ་ནྟཱ བ་ཧུ་ཛྫ་ནཱ.
༡༠༤. ‘‘ས་ཊྛི་ཏཱུ་རི་ཡ་ས་ཧ་སྶེ་ཧི, པ་རི་ཙཱ་རེ་མ་ཧཾ ས་དཱ;
པ་རི་ཝཱ་རེ་ན སོ་བྷཱ་མི, པུ་ཉྙ་ཀ་མྨ་སྶི་དཾ ཕ་ལཾ.
༡༠༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཙ་ཀྐཾ ཋ་པ་ཡིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, དྷ་མྨ་ཙ་ཀྐ་སྶི་དཾ ཕ་ལཾ.
༡༠༦. ‘‘ཨི་ཏོ ཨེ་ཀཱ་ད་སེ ཀ་པྤེ, ཨ་ཊྛཱ་སིཾ་སུ ཛ་ནཱ་དྷི་པཱ;
ས་ཧ་སྶ་རཱ་ཛ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལཱ.
༡༠༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷ་མྨ་ཙ་ཀྐི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷ་མྨ་ཙ་ཀྐི་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.