༡༠. ཀ་པྤ་རུ་ཀྑི་ཡ་ཏྠེ་ར་ཨ་པ་དཱ་ནཾ
༡༠༨. ‘‘སི་དྡྷ་ཏྠ་སྶ བྷ་ག་ཝ་ཏོ, ཐཱུ་པ་སེ་ཊྛ་སྶ ས་མྨུ་ཁཱ;
ཝི་ཙི་ཏྟ་དུ་སྶེ ལ་གེ་ཏྭཱ [ལ་གྒེ་ཏྭཱ (སཱི. སྱཱ.)], ཀ་པྤ་རུ་ཀྑཾ ཋ་པེ་ས་ཧཾ.
༡༠༩. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
སོ་བྷ་ཡ་ནྟོ མ་མ དྭཱ་རཾ, ཀ་པྤ་རུ་ཀྑོ པ་ཏི་ཊྛ་ཏི.
༡༡༠. ‘‘ཨ་ཧ་ཉྩ པ་རི་སཱ ཙེ་ཝ, ཡེ ཀེ་ཙི མ་མ ཝ་སྶི་ཏཱ [ནི་སྶི་ཏཱ (སཱི.)];
ཏ་མྷཱ དུ་སྶཾ ག་ཧེ་ཏྭཱ་ན, ནི་ཝཱ་སེ་མ མ་ཡཾ ས་དཱ [ཏ་དཱ (སྱཱ.)].
༡༡༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ རུ་ཀྑཾ ཋ་པ་ཡིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀ་པྤ་རུ་ཀྑ་སྶི་དཾ ཕ་ལཾ.
༡༡༢. ‘‘ཨི་ཏོ ཙ ས་ཏྟ་མེ ཀ་པྤེ, སུ་ཙེ་ལཱ༹ ཨ་ཊྛ ཁ་ཏྟི་ཡཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་པྤ་རུ་ཀྑི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་པྤ་རུ་ཀྑི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ཀུ་ཎྜ་དྷཱ་ན་ཝ་གྒོ ཙ་ཏུ་ཏྠོ.