༣. ཏཱི་ཎུ་པྤ་ལ་མཱ་ལི་ཡ་ཏྠེ་ར་ཨ་པ་དཱ་ནཾ

༡༣. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཝཱ་ན་རོ ཏ་དཱ;

ཨ་དྡ་སཾ ཝི་ར་ཛཾ བུ་དྡྷཾ, ནི་སི་ནྣཾ པ་བྦ་ཏ་ནྟ་རེ.

༡༤. ‘‘ཨོ་བྷཱ་སེ་ནྟཾ དི་སཱ ས་བྦཱ, སཱ་ལ་རཱ་ཛཾ་ཝ ཕུ་ལླི་ཏཾ;

ལ་ཀྑ་ཎ་བྱ་ཉྫ་ནཱུ་པེ་ཏཾ, དི་སྭཱ་ན་ཏྟ་མ་ནོ ཨ་ཧཾ.

༡༥. ‘‘ཨུ་ད་གྒ་ཙི་ཏྟོ སུ་མ་ནོ, པཱི་ཏི་ཡཱ ཧ་ཊྛ་མཱ་ན་སོ;

ཏཱི་ཎི ཨུ་པྤ་ལ་པུ་པྥཱ་ནི, མ་ཏྠ་ཀེ ཨ་བྷི་རོ་པ་ཡིཾ.

༡༦. ‘‘པཱུ་ཛ་ཡི་ཏྭཱ་ན པུ་པྥཱ་ནི, ཕུ་སྶ་སྶཱ་ཧཾ མ་ཧེ་སི་ནོ;

ས་གཱ་ར་ཝོ བྷ་ཝི་ཏྭཱ་ན, པ་ཀྐཱ་མིཾ ཨུ་ཏྟ་རཱ་མུ་ཁོ.

༡༧. ‘‘ག་ཙྪ་ནྟོ པ་ཊི་ཀུ་ཊི་ཀོ, ཝི་པྤ་ས་ནྣེ་ན ཙེ་ཏ་སཱ;

སེ་ལ་ནྟ་རེ པ་ཏི་ཏྭཱ་ན, པཱ་པུ་ཎིཾ ཛཱི་ཝི་ཏ་ཀྑ་ཡཾ.

༡༨. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;

ཛ་ཧི་ཏྭཱ པུ་རི་མཾ ཛཱ་ཏིཾ, ཏཱ་ཝ་ཏིཾ་ས་མ་ག་ཙྪ་ཧཾ.

༡༩. ‘‘ས་ཏཱ་ནཾ ཏཱི་ཎི་ཀྑ་ཏྟུ་ཉྩ, དེ་ཝ་ར་ཛྫ་མ་ཀཱ་ར་ཡིཾ;

ས་ཏཱ་ནཾ པ་ཉྩ་ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ.

༢༠. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཏཱི་ཎུ་པྤ་ལ་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཏཱི་ཎུ་པྤ་ལ་མཱ་ལི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.