༤. པ་ཊྚི་པུ་པྥི་ཡ་ཏྠེ་ར་ཨ་པ་དཱ་ནཾ
༢༢. ‘‘ཡ་དཱ ནི་བྦཱ་ཡི ས་མྦུ་དྡྷོ, མ་ཧེ་སཱི པ་དུ་མུ་ཏྟ་རོ;
ས་མཱ་ག་མྨ ཛ་ནཱ ས་བྦེ, ས་རཱི་རཾ ནཱི་ཧ་ར་ནྟི ཏེ.
༢༣. ‘‘ནཱི་ཧ་ར་ནྟེ ས་རཱི་ར་མྷི, ཝ་ཛྫ་མཱ་ནཱ་སུ བྷེ་རི་སུ;
པ་ས་ནྣ་ཙི་ཏྟོ སུ་མ་ནོ, པ་ཊྚི་པུ་པྥཾ ཨ་པཱུ་ཛ་ཡིཾ.
༢༤. ‘‘ས་ཏ་ས་ཧ་སྶི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་རཱི་ར་པཱུ་ཛི་ཏེ ཕ་ལཾ.
༢༥. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༢༦. ‘‘སྭཱ་ག་ཏཾ ཝ་ཏ མེ ཨཱ་སི, མ་མ བུ་དྡྷ་སྶ [བུ་དྡྷ་སེ་ཊྛ་སྶ (སཱི.)] ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༢༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཊྚི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཊྚི་པུ་པྥི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.