༢. པཱ་ཊ་ལི་པུ་པྥི་ཡ་ཏྠེ་ར་ཨ་པ་དཱ་ནཾ
༦. ‘‘ཝི་པ་སྶཱི ནཱ་མ བྷ་ག་ཝཱ, ས་ཡ་མྦྷཱུ ཨ་གྒ་པུ་གྒ་ལོ;
པུ་ར་ཀྑ་ཏོ ས་སི་སྶེ་ཧི, པཱ་ཝི་སི བ་ནྡྷུ་མཾ ཛི་ནོ.
༧. ‘‘ཏཱི་ཎི པཱ་ཊ་ལི་པུ་པྥཱ་ནི, ཨུ་ཙྪ་ངྒེ ཋ་པི་ཏཱ་ནི མེ;
སཱི་སཾ ནྷཱ་ཡི་ཏུ་ཀཱ་མོ་ཝ, ན་དཱི་ཏི་ཏྠཾ ཨ་ག་ཙྪ་ཧཾ.
༨. ‘‘ནི་ཀྑ་མྨ བ་ནྡྷུ་མ་ཏི་ཡཱ, ཨ་དྡ་སཾ ལོ་ཀ་ནཱ་ཡ་ཀཾ;
ཨི་ནྡཱི་ཝ་རཾ་ཝ ཛ་ལི་ཏཾ, ཨཱ་དི་ཏྟཾ་ཝ ཧུ་ཏཱ་ས་ནཾ.
༩. ‘‘བྱ་གྒྷཱུ་ས་བྷཾ་ཝ པ་ཝ་རཾ, ཨ་བྷི་ཛཱ་ཏཾ་ཝ ཀེ་ས་རིཾ;
ག་ཙྪ་ནྟཾ ས་མ་ཎཱ་ན་གྒཾ, བྷི་ཀྑུ་ས་ངྒྷ་པུ་ར་ཀྑ་ཏཾ.
༡༠. ‘‘ཏ་སྨིཾ པ་ས་ནྣོ [ས་མ་ཎེ (ཀ.)] སུ་ག་ཏེ, ཀི་ལེ་ས་མ་ལ་དྷོ་ཝ་ནེ;
ག་ཧེ་ཏྭཱ ཏཱི་ཎི པུ་པྥཱ་ནི, བུ་དྡྷ་སེ་ཊྛཾ ཨ་པཱུ་ཛ་ཡིཾ.
༡༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ཊ་ལི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ཊ་ལི་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.