༢. ཡ་ཝ་ཀ་ལཱ་པི་ཡ་ཏྠེ་ར་ཨ་པ་དཱ་ནཾ
༦. ‘‘ན་ག་རེ ཨ་རུ་ཎ་ཝ་ཏི་ཡཱ, ཨཱ་སིཾ ཡ་ཝ་སི་ཀོ ཏ་དཱ;
པ་ནྠེ དི་སྭཱ་ན ས་མྦུ་དྡྷཾ, ཡ་ཝ་ཀ་ལཱ་པཾ ས་ནྠ་རིཾ [ཡ་ཝ་ཀ་ལཱ་པ་མ་ཝ་ཏྠ་རིཾ (སཱི.)].
༧. ‘‘ཨ་ནུ་ཀ་མྤ་ཀོ ཀཱ་རུ་ཎི་ཀོ, སི་ཁཱི ལོ་ཀ་གྒ་ནཱ་ཡ་ཀོ;
མ་མ ས་ངྐ་པྤ་མ་ཉྙཱ་ཡ, ནི་སཱི་དི ཡ་ཝ་ས་ནྠ་རེ.
༨. ‘‘དི་སྭཱ ནི་སི་ནྣཾ ཝི་མ་ལཾ, མ་ཧཱ་ཛྷཱ་ཡིཾ ཝི་ནཱ་ཡ་ཀཾ;
པཱ་མོ་ཛྫཾ ཛ་ན་ཡི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཡ་ཝ་ཏྠ་རེ ཨི་དཾ ཕ་ལཾ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡ་ཝ་ཀ་ལཱ་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་ཝ་ཀ་ལཱ་པི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.