༨. ཏི་ཎ་མུ་ཊྛི་དཱ་ཡ་ཀ་ཏྠེ་ར་ཨ་པ་དཱ་ནཾ
༤༨. ‘‘ཧི་མ་ཝ་ནྟ་སྶཱ་ཝི་དཱུ་རེ, ལ་མྦ་ཀོ ནཱ་མ པ་བྦ་ཏོ;
ཨུ་པ་ཏི་སྶོ ནཱ་མ ས་མྦུ་དྡྷོ, ཨ་བྦྷོ་ཀཱ་ས་མྷི ཙ་ངྐ་མི.
༤༩. ‘‘མི་ག་ལུ་དྡོ ཏ་དཱ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
དི་སྭཱ་ན ཏཾ དེ་ཝ་དེ་ཝཾ, ས་ཡ་མྦྷུཾ ཨ་པ་རཱ་ཛི་ཏཾ.
༥༠. ‘‘ཝི་པྤ་ས་ནྣེ་ན ཙི་ཏྟེ་ན, ཏ་དཱ ཏ་སྶ མ་ཧེ་སི་ནོ;
ནི་སཱི་ད་ན་ཏྠཾ བུ་དྡྷ་སྶ, ཏི་ཎ་མུ་ཊྛི་མ་དཱ་ས་ཧཾ.
༥༡. ‘‘ད་ཏྭཱ་ན དེ་ཝ་དེ་ཝ་སྶ, བྷི་ཡྻོ ཙི་ཏྟཾ པ་སཱ་ད་ཡིཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, པ་ཀྐཱ་མིཾ ཨུ་ཏྟ་རཱ་མུ་ཁོ.
༥༢. ‘‘ཨ་ཙི་རཾ ག་ཏ་མ་ཏྟཾ མཾ, མི་ག་རཱ་ཛཱ ཨ་པོ་ཐ་ཡི [ཨ་ཧེ་ཋ་ཡི (སཱི. སྱཱ.)];
སཱི་ཧེ་ན པོ་ཐི་ཏོ [པཱ་ཏི་ཏོ (སཱི. སྱཱ.)] ས་ནྟོ, ཏ་ཏྠ ཀཱ་ལ་ངྐ་ཏོ ཨ་ཧཾ.
༥༣. ‘‘ཨཱ་ས་ནྣེ མེ ཀ་ཏཾ ཀ་མྨཾ, བུ་དྡྷ་སེ་ཊྛེ ཨ་ནཱ་ས་ཝེ;
སུ་མུ་ཏྟོ ས་ར་ཝེ་གོ་ཝ, དེ་ཝ་ལོ་ཀཾ ཨ་ག་ཉྪ་ཧཾ.
༥༤. ‘‘ཡཱུ་པོ ཏ་ཏྠ སུ་བྷོ ཨཱ་སི, པུ་ཉྙ་ཀ་མྨཱ་བྷི་ནི་མྨི་ཏོ;
ས་ཧ་སྶ་ཀ་ཎྜོ ས་ཏ་བྷེ་ཎྜུ, དྷ་ཛཱ་ལུ ཧ་རི་ཏཱ་མ་ཡོ.
༥༥. ‘‘པ་བྷཱ ནི་དྡྷཱ་ཝ་ཏེ ཏ་སྶ, ས་ཏ་རཾ་སཱི་ཝ ཨུ་གྒ་ཏོ;
ཨཱ་ཀི་ཎྞོ དེ་ཝ་ཀ་ཉྙཱ་ཧི, ཨཱ་མོ་དིཾ ཀཱ་མ་ཀཱ་མ་ཧཾ.
༥༦. ‘‘དེ་ཝ་ལོ་ཀཱ ཙ་ཝི་ཏྭཱ་ན, སུ་ཀྐ་མཱུ་ལེ་ན ཙོ་དི་ཏོ;
ཨཱ་ག་ནྟྭཱ་ན མ་ནུ་སྶ་ཏྟཾ, པ་ཏྟོ་མྷི ཨཱ་ས་ཝ་ཀྑ་ཡཾ.
༥༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ནི་སཱི་ད་ན་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ཎ་མུ་ཊྛི་ཡི་དཾ ཕ་ལཾ.
༥༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་མུ་ཊྛི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་མུ་ཊྛི་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.