༥. ན་ལཱ༹་གཱ་རི་ཀ་ཏྠེ་ར་ཨ་པ་དཱ་ནཾ
༣༡. ‘‘ཧི་མ་ཝ་ནྟ་སྶཱ་ཝི་དཱུ་རེ, ཧཱ་རི་ཏོ ནཱ་མ པ་བྦ་ཏོ;
ས་ཡ་མྦྷཱུ ནཱ་ར་དོ ནཱ་མ, རུ་ཀྑ་མཱུ་ལེ ཝ་སཱི ཏ་དཱ.
༣༢. ‘‘ན་ལཱ༹་གཱ་རཾ ཀ་རི་ཏྭཱ་ན, ཏི་ཎེ་ན ཚཱ་ད་ཡིཾ ཨ་ཧཾ;
ཙ་ངྐ་མཾ སོ་དྷ་ཡི་ཏྭཱ་ན, ས་ཡ་མྦྷུ་སྶ ཨ་དཱ་ས་ཧཾ.
༣༣. ‘‘ཙ་ཏུ་དྡ་ས་སུ ཀ་པྤེ་སུ, དེ་ཝ་ལོ་ཀེ ར་མིཾ ཨ་ཧཾ;
ཙ་ཏུ་ས་ཏྟ་ཏི་ཀྑ་ཏྟུ་ཉྩ, དེ་ཝ་ར་ཛྫཾ ཨ་ཀཱ་ར་ཡིཾ.
༣༤. ‘‘ཙ་ཏུ་ས་ཏྟ་ཏི [ས་ཏྟ་ས་ཏྟ་ཏི (སཱི.)] ཀྑ་ཏྟུ་ཉྩ, ཙ་ཀྐ་ཝ་ཏྟཱི ཨ་ཧོ་ས་ཧཾ;
པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ.
༣༥. ‘‘ཨུ་བྦི་དྡྷཾ བྷ་ཝ་ནཾ མ་ཡ྄ཧཾ, ཨི་ནྡ་ལ་ཊྛཱི་ཝ ཨུ་གྒ་ཏཾ;
ས་ཧ་སྶ་ཐ་མྦྷཾ ཨ་ཏུ་ལཾ, ཝི་མཱ་ནཾ ས་པ་བྷ་སྶ་རཾ.
༣༦. ‘‘དྭེ ས་མྤ་ཏྟཱི ཨ་ནུ་བྷོ་ཏྭཱ, སུ་ཀྐ་མཱུ་ལེ་ན ཙོ་དི་ཏོ;
གོ་ཏ་མ་སྶ བྷ་ག་ཝ་ཏོ, སཱ་ས་ནེ པ་བྦ་ཛིཾ ཨ་ཧཾ.
༣༧. ‘‘པ་དྷཱ་ན་པ་ཧི་ཏ་ཏྟོ་མྷི, ཨུ་པ་ས་ནྟོ ནི་རཱུ་པ་དྷི;
ནཱ་གོ་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝོ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ལཱ༹་གཱ་རི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལཱ༹་གཱ་རི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.