༥. ནི་མི་ཏྟ་ས་ཉྙ་ཀ་ཏྠེ་ར་ཨ་པ་དཱ་ནཾ
༢༨. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཝ་སཱ་མི ཨ་སྶ་མེ ཨ་ཧཾ;
སུ་ཝ་ཎྞ་མི་ག་མ་དྡ་ཀྑིཾ, ཙ་ར་ནྟཾ ཝི་པི་ནེ ཨ་ཧཾ.
༢༩. ‘‘མི་གེ ཙི་ཏྟཾ པ་སཱ་དེ་ཏྭཱ, ལོ་ཀ་ཛེ་ཊྛཾ ཨ་ནུ་སྶ་རིཾ;
ཏེ་ན ཙི་ཏྟ་པྤ་སཱ་དེ་ན, ཨ་ཉྙེ བུ་དྡྷེ ཨ་ནུ་སྶ་རིཾ.
༣༠. ‘‘ཨ་བྦྷ་ཏཱི་ཏཱ ཙ ཡེ བུ་དྡྷཱ, ཝ་ཏྟ་མཱ་ནཱ ཨ་ནཱ་ག་ཏཱ;
ཨེ་ཝ་མེ་ཝཾ ཝི་རོ་ཙ་ནྟི, མི་ག་རཱ་ཛཱ་ཝ ཏེ ཏ་ཡོ.
༣༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༣༢. ‘‘ས་ཏྟ་ཝཱི་སེ ཨི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ཨ་ར་ཉྙ་ས་ཏྠོ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནི་མི་ཏྟ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནི་མི་ཏྟ་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.