༡. ཨུ་མཱ་པུ་པྥི་ཡ་ཏྠེ་ར་ཨ་པ་དཱ་ནཾ

༡. ‘‘ས་མཱ་ཧི་ཏཾ ས་མཱ་པ་ནྣཾ, སི་དྡྷ་ཏྠ་མ་པ་རཱ་ཛི་ཏཾ;

ས་མཱ་དྷི་ནཱ ཨུ་པ་ཝི་ཊྛཾ, ཨ་དྡ་སཱ་ཧཾ ན་རུ་ཏྟ་མཾ.

༢. ‘‘ཨུ་མཱ་པུ་པྥཾ ག་ཧེ་ཏྭཱ་ན, བུ་དྡྷ་སྶ ཨ་བྷི་རོ་པ་ཡིཾ;

ས་བྦ་པུ་པྥཱ ཨེ་ཀ་སཱི་སཱ, ཨུ་དྡྷཾ་ཝ་ཎྚཱ ཨ་དྷོ་མུ་ཁཱ.

༣. ‘‘སུ་ཙི་ཏྟཱ ཝི་ཡ ཏི་ཊྛ་ནྟེ, ཨཱ་ཀཱ་སེ པུ་པྥ་ས་ནྠ་རཱ;

ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨུ་པ་པ་ཛྫ་ཧཾ.

༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༥. ‘‘པ་ཉྩ་པ་ཉྙཱ་སི་ཏོ ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;

ས་མ་ནྟ་ཚ་ད་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.

༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ.

ཨི་ཏྠཾ སུ་དཾ ཨཱ་ཡ་སྨཱ ཨུ་མཱ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨུ་མཱ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.