༧. ཨཱ་རཱ་མ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༢. ‘‘སི་དྡྷ་ཏྠ་སྶ བྷ་ག་ཝ་ཏོ, ཨཱ་རཱ་མོ རོ་པི་ཏོ མ་ཡཱ;
ས་ནྡ་ཙྪཱ་ཡེ་སུ [སཱི་ཏ་ཚཱ་ཡེ་སུ (སྱཱ.), ས་ནྟ་ཙྪཱ་ཡེ་སུ (ཀ.)] རུ་ཀྑེ་སུ, ཨུ་པཱ་ས་ནྟེ་སུ པ་ཀྑི་སུ.
༣༣. ‘‘ཨ་དྡ་སཾ ཝི་ར་ཛཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ཨཱ་རཱ་མཾ ཨ་བྷི་ནཱ་མེ་སིཾ, ལོ་ཀ་ཛེ་ཊྛཾ ན་རཱ་ས་བྷཾ.
༣༤. ‘‘ཧ་ཊྛོ ཧ་ཊྛེ་ན ཙི་ཏྟེ་ན, ཕ་ལཾ པུ་པྥ་མ་དཱ་ས་ཧཾ;
ཏ་ཏོ ཛཱ་ཏ་པྤ་སཱ་དོ་ཝ, ཏཾ ཝ་ནཾ པ་རི་ཎཱ་མ་ཡིཾ.
༣༥. ‘‘བུ་དྡྷ་སྶ ཡ་མི་དཾ དཱ་སིཾ, ཝི་པྤ་ས་ནྣེ་ན ཙེ་ཏ་སཱ;
བྷ་ཝེ ནི་བྦ་ཏྟ་མཱ་ན་མྷི, ནི་བྦ་ཏྟ་ཏི ཕ་ལཾ མ་མ.
༣༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཨཱ་རཱ་མ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨཱ་རཱ་མ་སྶ ཨི་དཾ ཕ་ལཾ.
༣༧. ‘‘ས་ཏྟ་ཏིཾ་སེ ཨི་ཏོ ཀ་པྤེ, ས་ཏྟཱ་སུཾ མུ་དུ་སཱི་ཏ་ལཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་རཱ་མ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་རཱ་མ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.