༡. པ་དུ་མ་ཀེ་ས་རི་ཡ་ཏྠེ་ར་ཨ་པ་དཱ་ནཾ
༡. ‘‘ཨི་སི་ས་ངྒྷེ ཨ་ཧཾ པུ་བྦེ, ཨཱ་སིཾ མཱ་ཏ་ངྒ་ཝཱ་ར་ཎོ;
མ་ཧེ་སཱི་ནཾ པ་སཱ་དེ་ན, པ་དྨ་ཀེ་ས་ར་མོ་ཀི་རིཾ.
༢. ‘‘པ་ཙྩེ་ཀ་ཛི་ན་སེ་ཊྛེ་སུ, དྷུ་ཏ་རཱ་གེ་སུ ཏཱ་དི་སུ;
ཏེ་སུ ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཀེ་ས་རཾ ཨོ་ཀི་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་དུ་མ་ཀེ་ས་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་དུ་མ་ཀེ་ས་རི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.