༥. གོ་སཱི་ས་ནི་ཀྑེ་པ་ཀ་ཏྠེ་ར་ཨ་པ་དཱ་ནཾ
༢༡. ‘‘ཨཱ་རཱ་མ་དྭཱ་རཱ ནི་ཀྑ་མྨ, གོ་སཱི་སཾ ས་ནྠ་ཏཾ མ་ཡཱ;
ཨ་ནུ་བྷོ་མི ས་ཀཾ ཀ་མྨཾ, པུ་བྦ་ཀ་མྨ་སྶི་དཾ ཕ་ལཾ.
༢༢. ‘‘ཨཱ་ཛཱ་ནི་ཡཱ ཝཱ་ཏ་ཛ་ཝཱ, སི་ནྡྷ་ཝཱ སཱི་གྷ་ཝཱ་ཧ་ནཱ;
ཨ་ནུ་བྷོ་མི ས་བྦ་མེ་ཏཾ, གོ་སཱི་ས་སྶ ཨི་དཾ ཕ་ལཾ.
༢༣. ‘‘ཨ་ཧོ ཀཱ་རཾ པ་ར་མ་ཀཱ་རཾ, སུ་ཁ་ཏྟེ སུ་ཀ་ཏཾ མ་ཡཱ;
ས་ངྒྷེ ཀ་ཏ་སྶ ཀཱ་ར་སྶ, ན ཨ་ཉྙཾ ཀ་ལ་མ་གྒྷ་ཏི.
༢༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ སཱི་སཾ ས་ནྠ་རིཾ ཨ་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༢༥. ‘‘པ་ཉྩ་ས་ཏྟ་ཏི་ཀ་པྤ་མྷི, སུ་པྤ་ཏི་ཊྛི་ཏ་ནཱ་མ་ཀོ;
ཨེ་ཀོ ཨཱ་སིཾ མ་ཧཱ་ཏེ་ཛོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ གོ་སཱི་ས་ནི་ཀྑེ་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
གོ་སཱི་ས་ནི་ཀྑེ་པ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.