༡. ཙི་ཏ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༡. ‘‘ཨ་ཛི་ཏོ ནཱ་མ ནཱ་མེ་ན, ཨ་ཧོ་སིཾ བྲཱ་ཧྨ་ཎོ ཏ་དཱ;
ཨཱ་ཧུ་ཏིཾ ཡི་ཊྛུ་ཀཱ་མོ་ཧཾ, ནཱ་ནཱ་པུ་པྥཾ ས་མཱ་ན་ཡིཾ.
༢. ‘‘ཛ་ལ་ནྟཾ ཙི་ཏ་ཀཾ དི་སྭཱ, སི་ཁི་ནོ ལོ་ཀ་བ་ནྡྷུ་ནོ;
ཏ་ཉྩ པུ་པྥཾ ས་མཱ་ནེ་ཏྭཱ, ཙི་ཏ་ཀེ ཨོ་ཀི་རིཾ ཨ་ཧཾ.
༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘ས་ཏྟ་ཝཱི་སེ [ས་ཏྟ་ཏིཾ་སེ (ཀ.)] ཨི་ཏོ ཀ་པྤེ, ས་ཏྟཱ་སུཾ མ་ནུ་ཛཱ་དྷི་པཱ;
སུ་པ་ཛྫ་ལི་ཏ་ནཱ་མཱ ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙི་ཏ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙི་ཏ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.