༧. པུ་ལི་ན་པཱུ་ཛ་ཀ་ཏྠེ་ར་ཨ་པ་དཱ་ནཾ

༡༦༥. ‘‘ཝི་པ་སྶི་སྶ བྷ་ག་ཝ་ཏོ, བོ་དྷི་ཡཱ པཱ་ད་པུ་ཏྟ་མེ;

པུ་རཱ་ཎ་པུ་ལི་ནཾ ཧི་ཏྭཱ [ཚ་ཌྜེ་ཏྭཱ (སཱི. སྱཱ.)], སུ་དྡྷ་པུ་ལི་ན་མཱ་ཀི་རིཾ.

༡༦༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་ལི་ན་མ་དཱ་ས་ཧཾ;

དུ་གྒ་ཏིཾ ནཱ་བྷི་ཛཱ་ནཱ་མི, པུ་ལི་ན་དཱ་ན་སྶི་དཾ ཕ་ལཾ.

༡༦༧. ‘‘ཏིཾ་ས་ཏི་མེ [ཏི་པ་ཉྙཱ་སེ (སཱི. སྱཱ.)] ཨི་ཏོ ཀ་པྤེ, རཱ་ཛཱ ཨཱ་སིཾ ཛ་ནཱ་དྷི་བྷཱུ;

མ་ཧཱ་པུ་ལི་ན་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.

༡༦༨. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པུ་ལི་ན་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

པུ་ལི་ན་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.