༥. ཨེ་ཀ་ཉྫ་ལི་ཀ་ཏྠེ་ར་ཨ་པ་དཱ་ནཾ
༡༩. ‘‘ཨུ་དུ་མྦ་རེ ཝ་ས་ནྟ་སྶ, ནི་ཡ་ཏེ པ་ཎྞ་ས་ནྠ་རེ;
ཝུ་ཏྠོ་ཀཱ་སོ མ་ཡཱ དི་ནྣོ, ས་མ་ཎ་སྶ མ་ཧེ་སི་ནོ.
༢༠. ‘‘ཏི་སྶ་སྶ དྭི་པ་དི་ནྡ་སྶ, ལོ་ཀ་ནཱ་ཐ་སྶ ཏཱ་དི་ནོ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་ནྠ་རིཾ པུ་པྥ་ས་ནྠ་རཾ.
༢༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་རིཾ པུ་པྥ་ས་ནྠ་རཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༢༢. ‘‘ཨི་ཏོ ཙུ་དྡ་ས་ཀ་པྤ་མྷི, ཨ་ཧོ་སིཾ མ་ནུ་ཛཱ་དྷི་པོ;
ཨེ་ཀ་ཨ་ཉྫ་ལི་ཀོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ཉྫ་ལི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ཉྫ་ལི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.