༥. བི་ལཱ༹་ལི་དཱ་ཡ་ཀ་ཏྠེ་ར་ཨ་པ་དཱ་ནཾ
༡༨. ‘‘ཧི་མ་ཝ་ནྟ་སྶཱ་ཝི་དཱུ་རེ, རོ་མ་སོ ནཱ་མ པ་བྦ་ཏོ;
ཏ་མྷི པ་བྦ་ཏ་པཱ་ད་མྷི, ས་མ་ཎོ བྷཱ་ཝི་ཏི་ནྡྲི་ཡོ.
༡༩. ‘‘བི་ལཱ༹་ལི་ཡོ ག་ཧེ་ཏྭཱ་ན, ས་མ་ཎ་སྶ ཨ་དཱ་ས་ཧཾ;
ཨ་ནུ་མོ་དི མ་ཧཱ་ཝཱི་རོ, ས་ཡ་མྦྷཱུ ཨ་པ་རཱ་ཛི་ཏོ.
༢༠. ‘‘བི་ལཱ༹་ལཱི ཏེ མ་མ དི་ནྣཱ, ཝི་པྤ་ས་ནྣེ་ན ཙེ་ཏ་སཱ;
བྷ་ཝེ ནི་བྦ་ཏྟ་མཱ་ན་མྷི, ཕ་ལཾ ནི་བྦ་ཏྟ་ཏཾ ཏ་ཝ.
༢༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ བི་ལཱ༹་ལི་མ་དཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, བི་ལཱ༹་ལི་ཡཱ ཨི་དཾ ཕ་ལཾ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བི་ལཱ༹་ལི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བི་ལཱ༹་ལི་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.