༡. ཨཱ་ཀཱ་སུ་ཀྑི་པི་ཡ་ཏྠེ་ར་ཨ་པ་དཱ་ནཾ
༡. ‘‘སུ་ཝ་ཎྞ་ཝ་ཎྞཾ སི་དྡྷ་ཏྠཾ, ག་ཙྪ་ནྟཾ ཨ་ནྟ་རཱ་པ་ཎེ;
ཛ་ལ་ཛ་གྒེ དུ་ཝེ ག་ཡ྄ཧ, ཨུ་པཱ་ག་ཙྪིཾ ན་རཱ་ས་བྷཾ.
༢. ‘‘ཨེ་ཀ་ཉྩ པུ་པྥཾ པཱ་དེ་སུ, བུ་དྡྷ་སེ་ཊྛ་སྶ ནི་ཀྑི་པིཾ;
ཨེ་ཀ་ཉྩ པུ་པྥཾ པ་གྒ་ཡ྄ཧ, ཨཱ་ཀཱ་སེ ཨུ་ཀྑི་པིཾ ཨ་ཧཾ.
༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་དཱ་ན་སྶི་དཾ ཕ་ལཾ.
༤. ‘‘ཨི་ཏོ ཚ་ཏྟིཾ་ས་ཀ་པྤ་མྷི, ཨེ་ཀོ ཨཱ་སིཾ མ་ཧཱི་པ་ཏི;
ཨ་ནྟ་ལི་ཀྑ་ཀ་རོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ཀཱ་སུ་ཀྑི་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ཀཱ་སུ་ཀྑི་པི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.