༧. མ་ཉྫ་རི་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༣. ‘‘མ་ཉྫ་རི་ཀཾ ཀ་རི་ཏྭཱ་ན, ར་ཐི་ཡཾ པ་ཊི་པ་ཛྫ་ཧཾ;
ཨ་དྡ་སཾ ས་མ་ཎཱ་ན་གྒཾ, བྷི་ཀྑུ་ས་ངྒྷ་པུ་ར་ཀྑ་ཏཾ.
༢༤. ‘‘པ་ས་ནྣ་ཙི་ཏྟོ སུ་མ་ནོ, པ་ར་མཱ་ཡ ཙ པཱི་ཏི་ཡཱ;
ཨུ་བྷོ ཧ་ཏྠེ་ཧི པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༢༥. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༢༦. ‘‘ཨི་ཏོ ཏེ་ས་ཏྟ་ཏི་ཀ་པྤེ, ཨེ་ཀོ ཨཱ་སིཾ མ་ཧཱི་པ་ཏི;
ཛོ་ཏི་ཡོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༢༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཉྫ་རི་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཉྫ་རི་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.