༤. ཏི་ཙ་མྤ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༡༣. ‘‘ཧི་མ་ཝ་ནྟ་སྶཱ་ཝི་དཱུ་རེ, ཝི་ཀ་ཏོ [ཝི་ཀ་ནོ (སཱི. སྱཱ.)] ནཱ་མ པ་བྦ་ཏོ;
ཏ་སྶ ཝེ་མ་ཛ྄ཛྷེ ཝ་ས་ཏི, ས་མ་ཎོ བྷཱ་ཝི་ཏི་ནྡྲི་ཡོ.
༡༤. ‘‘དི་སྭཱ་ན ཏ་སྶོ་པ་ས་མཾ, ཝི་པྤ་ས་ནྣེ་ན ཙེ་ཏ་སཱ;
ཏཱི་ཎི ཙ་མྤ་ཀ་པུ་པྥཱ་ནི, ག་ཧེ་ཏྭཱ་ན ས་མོ་ཀི་རིཾ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཙ་མྤ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཙ་མྤ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.