༢. ཨེ་ཀཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༥. ‘‘ཝི་ཛ་ཧི་ཏྭཱ དེ་ཝ་ཝ་ཎྞཾ, ས་བྷ་རི་ཡོ ཨི་དྷཱ་ག་མིཾ;
ཨ་དྷི་ཀཱ་རཾ ཀ་ཏྟུ་ཀཱ་མོ, བུ་དྡྷ་སེ་ཊྛ་སྶ སཱ་ས་ནེ.
༦. ‘‘དེ་ཝ་ལོ ནཱ་མ ནཱ་མེ་ན, པ་དུ་མུ་ཏྟ་ར་སཱ་ཝ་ཀོ;
ཏ་སྶ བྷི་ཀྑཱ མ་ཡཱ དི་ནྣཱ, ཝི་པྤ་ས་ནྣེ་ན ཙེ་ཏ་སཱ.
༧. ‘‘ས་ཏ་ས་ཧ་སྶི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པི་ཎྜ་པཱ་ཏ་སྶི་དཾ ཕ་ལཾ.
༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.