༧. དྷཱ་ཏུ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༣. ‘‘ནི་བྦུ་ཏེ ལོ་ཀ་ནཱ་ཐ་མྷི, སི་དྡྷ་ཏྠ་མྷི ན་རུ་ཏྟ་མེ;
ཨེ་ཀཱ དྷཱ་ཏུ མ་ཡཱ ལ་དྡྷཱ, དྭི་པ་དི་ནྡ་སྶ ཏཱ་དི་ནོ.
༢༤. ‘‘ཏཱ་ཧཾ དྷཱ་ཏུཾ ག་ཧེ་ཏྭཱ་ན, བུ་དྡྷ་སྶཱ་དི་ཙྩ་བ་ནྡྷུ་ནོ;
པ་ཉྩ་ཝ་སྶེ པ་རི་ཙ་རིཾ, ཏི་ཊྛ་ནྟཾ་ཝ ན་རུ་ཏྟ་མཾ.
༢༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དྷཱ་ཏུཾ པཱུ་ཛ་ཡིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དྷཱ་ཏུ་པ་ཊྛ་ཧ་ནེ ཕ་ལཾ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དྷཱ་ཏུ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དྷཱ་ཏུ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.