༣. སཱ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༩. ‘‘ཨ་རུ་ཎ་ཝ་ཏི་ཡཱ ན་ག་རེ, ཨ་ཧོ་སིཾ པཱུ་པི་ཀོ ཏ་དཱ;
མ་མ དྭཱ་རེ་ན ག་ཙྪ་ནྟཾ, སི་ཁི་ནཾ ཨ་དྡ་སཾ ཛི་ནཾ.
༡༠. ‘‘བུ་དྡྷ་སྶ པ་ཏྟཾ པ་གྒ་ཡ྄ཧ, སཱ་ལ་པུ་པྥཾ ཨ་དཱ་ས་ཧཾ;
ས་མྨ་གྒ་ཏ་སྶ བུ་དྡྷ་སྶ, ཝི་པྤ་ས་ནྣེ་ན ཙེ་ཏ་སཱ.
༡༡. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་དཱ་ས་ཧཾ [ཡཾ ཁ་ཛྫ་ཀ་མ་དཱ་ས་ཧཾ (སཱི.), ཡཾ ཁ་ཛྫ་མ་བྷི་དཱ་ས་ཧཾ (ཀ.) སཱ་ལ་པུ་པྥ་ནཱ་མ་ཀཾ ཁ་ཛྫ་ཀཾ ཝཱ བྷ་ཝེ་ཡྻ];
དུ་གྒ་ཏིཾ ནཱ་བྷི་ཛཱ་ནཱ་མི, སཱ་ལ་པུ་པྥ་སྶི་དཾ ཕ་ལཾ.
༡༢. ‘‘ཨི་ཏོ ཙུ་དྡ་ས་ཀ་པྤ་མྷི, ཨ་ཧོ་སིཾ ཨ་མི་ཏ་ཉྫ་ལོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སཱ་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སཱ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.