༡. ཨུ་ད་ཀཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘ཨཱ་རཱ་མ་དྭཱ་རཱ ནི་ཀྑ་མྨ, ཕ་ལ་ཀཾ ས་ནྠ་རིཾ ཨ་ཧཾ;
ཨུ་ད་ཀ་ཉྩ ཨུ་པ་ཊྛཱ་སིཾ, ཨུ་ཏྟ་མ་ཏྠ་སྶ པ་ཏྟི་ཡཱ.
༢. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨཱ་ས་ནེ ཙོ་ད་ཀེ ཕ་ལཾ.
༣. ‘‘ཨི་ཏོ པ་ནྣ་ར་སེ ཀ་པྤེ, ཨ་བྷི་སཱ་མ་ས་མ་ཝ྄ཧ་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ད་ཀཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ད་ཀཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.