༨. ཀོ་ར་ཎྜ་པུ་པྥི་ཡ་ཏྠེ་ར་ཨ་པ་དཱ་ནཾ
༣༥. ‘‘ཨ་ཀྐ་ནྟ་ཉྩ པ་དཾ དི་སྭཱ, ཙ་ཀྐཱ་ལ་ངྐཱ་ར་བྷཱུ་སི་ཏཾ;
པ་དེ་ནཱ་ནུ་པ་དཾ ཡ་ནྟོ, ཝི་པ་སྶི་སྶ མ་ཧེ་སི་ནོ.
༣༦. ‘‘ཀོ་ར་ཎྜཾ པུ་པྥི་ཏཾ དི་སྭཱ, ས་མཱུ་ལཾ པཱུ་ཛི་ཏཾ མ་ཡཱ;
ཧ་ཊྛོ ཧ་ཊྛེ་ན ཙི་ཏྟེ་ན, ཨ་ཝ་ནྡིཾ པ་ད་མུ་ཏྟ་མཾ.
༣༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༨. ‘‘ས་ཏྟ་པ་ཉྙཱ་ས་ཀ་པྤ་མྷི, ཨེ་ཀོ ཝཱི་ཏ་མ་ལོ ཨ་ཧུཾ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀོ་ར་ཎྜ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀོ་ར་ཎྜ་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.