༤. ཨ་སོ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༡༧. ‘‘ཏི་ཝ་རཱ་ཡཾ [ཏི་པུ་རཱ་ཡཾ (སྱཱ.)] པུ་རེ ར་མྨེ, རཱ་ཛུ་ཡྻཱ་ནཾ ཨ་ཧུ ཏ་དཱ;
ཨུ་ཡྻཱ་ན་པཱ་ལོ ཏ་ཏྠཱ་སིཾ, ར་ཉྙོ བ་དྡྷ་ཙ་རོ ཨ་ཧཾ.
༡༨. ‘‘པ་དུ་མོ ནཱ་མ ནཱ་མེ་ན, ས་ཡ་མྦྷཱུ ས་པྤ་བྷོ ཨ་ཧུ;
ནི་སི་ནྣཾ [ནི་སི་ནྣོ (ཀ.)] པུ་ཎྜ་རཱི་ཀ་མྷི, ཚཱ་ཡཱ ན ཛ་ཧི ཏཾ མུ་ནིཾ.
༡༩. ‘‘ཨ་སོ་ཀཾ པུ་པྥི་ཏཾ དི་སྭཱ, པི་ཎྜི་བྷཱ་རཾ སུ་ད་སྶ་ནཾ;
བུ་དྡྷ་སྶ ཨ་བྷི་རོ་པེ་སིཾ, ཛ་ལ་ཛུ་ཏྟ་མ་ནཱ་མི་ནོ.
༢༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༡. ‘‘ས་ཏྟ་ཏིཾ་ས་མྷི་ཏོ ཀ་པྤེ, སོ་ལ༹་ས ཨ་ར་ཎ་ཉྫ་ཧཱ [ཨ་རུ་ཎ་ཉྫ་ཧཱ (སཱི.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་སོ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་སོ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.