༢༠. ཏ་མཱ་ལ་པུ་པྥི་ཡ་ཝ་གྒོ
༡. ཏ་མཱ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ཙུ་ལླཱ་སཱི་ཏི་ས་ཧ་སྶཱ་ནི, ཐ་མྦྷཱ སོ་ཝ་ཎྞ་ཡཱ ཨ་ཧཱུ;
དེ་ཝ་ལ་ཊྛི་པ་ཊི་བྷཱ་གཾ, ཝི་མཱ་ནཾ མེ སུ་ནི་མྨི་ཏཾ.
༢. ‘‘ཏ་མཱ་ལ་པུ་པྥཾ པ་གྒ་ཡ྄ཧ, ཝི་པྤ་ས་ནྣེ་ན ཙེ་ཏ་སཱ;
བུ་དྡྷ་སྶ ཨ་བྷི་རོ་པ་ཡིཾ, སི་ཁི་ནོ ལོ་ཀ་བ་ནྡྷུ་ནོ.
༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘ཨི་ཏོ ཝཱི་ས་ཏི་མེ ཀ་པྤེ, ཙ་ནྡ་ཏི་ཏྟོ་ཏི ཨེ་ཀ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་མཱ་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏ་མཱ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཏི་ཎ་ས་ནྠཱ་ར་ཀ་ཏྠེ་ར་ཨ་པ་དཱ་ནཾ
༦. ‘‘ཡ་དཱ ཝ་ན་ཝཱ་སཱི [ཡཾ དཱ་ཡ་ཝཱ་སི་ཀོ (སཱི.)] ཨི་སི, ཏི་ཎཾ ལཱ་ཡ་ཏི ས་ཏྠུ་ནོ;
ས་བྦེ པ་ད་ཀྑི་ཎཱ་ཝ་ཊྚཱ [པ་ད་ཀྑི་ཎཱ་ཝ་ཏྟཱ (སཱི. སྱཱ.)], པ་ཐ་བྱཱ [པུ་ཐ་ཝྱཱ (སཱི.)] ནི་པ་ཏིཾ་སུ ཏེ.
༧. ‘‘ཏ་མ་ཧཾ ཏི་ཎ་མཱ་དཱ་ཡ, ས་ནྠ་རིཾ དྷ་ར་ཎུ་ཏྟ་མེ;
ཏཱི་ཎེ་ཝ ཏཱ་ལ་པ་ཏྟཱ་ནི, ཨཱ་ཧ་རི་ཏྭཱ་ན་ཧཾ ཏ་དཱ.
༨. ‘‘ཏི་ཎེ་ན ཚ་ད་ནཾ ཀ་ཏྭཱ, སི་དྡྷ་ཏྠ་སྶ ཨ་དཱ་ས་ཧཾ;
ས་ཏྟཱ་ཧཾ དྷཱ་ར་ཡུཾ ཏ་སྶ [ཏ་ཏྠ (སྱཱ.)], དེ་ཝ་མཱ་ནུ་ས་ས་ཏྠུ་ནོ.
༩. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཏི་ཎཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏི་ཎ་དཱ་ན་སྶི་དཾ ཕ་ལཾ.
༡༠. ‘‘པ་ཉྩ་ས་ཊྛི་མྷི་ཏོ ཀ་པྤེ, ཙ་ཏྟཱ་རོ་སུཾ མ་ཧ་དྡྷ་ནཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ཎ་ས་ནྠཱ་ར་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ཎ་ས་ནྠཱ་ར་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཁ་ཎྜ་པུ་ལླི་ཡ་ཏྠེ་ར་ཨ་པ་དཱ་ནཾ
༡༢. ‘‘ཕུ་སྶ་སྶ ཁོ བྷ་ག་ཝ་ཏོ, ཐཱུ་པོ ཨཱ་སི མ་ཧཱ་ཝ་ནེ;
ཀུ་ཉྫ་རེ་ཧི ཏ་དཱ བྷི་ནྣོ, པ་རཱུ་ལ༹ྷོ པཱ་ད་པོ [པ་རཱུ་ལ༹ྷ་པཱ་ད་པོ (སཱི.), སཾ་རཱུ་ལ༹ྷོ པཱ་ད་པོ (སྱཱ.)] ཏ་ཧིཾ.
༡༣. ‘‘ཝི་ས་མ་ཉྩ ས་མཾ ཀ་ཏྭཱ, སུ་དྷཱ་པི་ཎྜཾ ཨ་དཱ་ས་ཧཾ;
ཏི་ལོ་ཀ་ག་རུ་ནོ ཏ་སྶ, གུ་ཎེ་ཧི པ་རི་ཏོ་སི་ཏོ [པ་རི་ཏོ སུ་ཏོ (ཀ.)].
༡༤. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, སུ་དྷཱ་པི་ཎྜ་སྶི་དཾ ཕ་ལཾ.
༡༥. ‘‘ས་ཏྟ་ས་ཏྟ་ཏི་ཀ་པྤ་མྷི, ཛི་ཏ་སེ་ནཱ་སུཾ སོ་ལ༹་ས;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཁ་ཎྜ་ཕུ་ལླི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཁ་ཎྜ་པུ་ལླི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཨ་སོ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༡༧. ‘‘ཏི་ཝ་རཱ་ཡཾ [ཏི་པུ་རཱ་ཡཾ (སྱཱ.)] པུ་རེ ར་མྨེ, རཱ་ཛུ་ཡྻཱ་ནཾ ཨ་ཧུ ཏ་དཱ;
ཨུ་ཡྻཱ་ན་པཱ་ལོ ཏ་ཏྠཱ་སིཾ, ར་ཉྙོ བ་དྡྷ་ཙ་རོ ཨ་ཧཾ.
༡༨. ‘‘པ་དུ་མོ ནཱ་མ ནཱ་མེ་ན, ས་ཡ་མྦྷཱུ ས་པྤ་བྷོ ཨ་ཧུ;
ནི་སི་ནྣཾ [ནི་སི་ནྣོ (ཀ.)] པུ་ཎྜ་རཱི་ཀ་མྷི, ཚཱ་ཡཱ ན ཛ་ཧི ཏཾ མུ་ནིཾ.
༡༩. ‘‘ཨ་སོ་ཀཾ པུ་པྥི་ཏཾ དི་སྭཱ, པི་ཎྜི་བྷཱ་རཾ སུ་ད་སྶ་ནཾ;
བུ་དྡྷ་སྶ ཨ་བྷི་རོ་པེ་སིཾ, ཛ་ལ་ཛུ་ཏྟ་མ་ནཱ་མི་ནོ.
༢༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༡. ‘‘ས་ཏྟ་ཏིཾ་ས་མྷི་ཏོ ཀ་པྤེ, སོ་ལ༹་ས ཨ་ར་ཎ་ཉྫ་ཧཱ [ཨ་རུ་ཎ་ཉྫ་ཧཱ (སཱི.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་སོ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་སོ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཨ་ངྐོ་ལ་ཀ་ཏྠེ་ར་ཨ་པ་དཱ་ནཾ
༢༣. ‘‘ཨ་ངྐོ་ལཾ པུ་པྥི་ཏཾ དི་སྭཱ, མཱ་ལཱ་ཝ་རཾ ས་ཀོ་ས་ཀཾ [ས་མོ་ག་དྷཾ (སྱཱ.)];
ཨོ་ཙི་ནི་ཏྭཱ་ན ཏཾ པུ་པྥཾ, ཨ་ག་མཾ བུ་དྡྷ་ས་ནྟི་ཀཾ.
༢༤. ‘‘སི་དྡྷ་ཏྠོ ཏ་མྷི ས་མ་ཡེ, པ་ཏི་ལཱི་ནོ མ་ཧཱ་མུ་ནི;
མུ་ཧུ་ཏྟཾ པ་ཊི་མཱ་ནེ་ཏྭཱ, གུ་ཧཱ་ཡཾ པུ་པྥ་མོ་ཀི་རིཾ.
༢༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་དཱ་ན་སྶི་དཾ [བུ་དྡྷ་པཱུ་ཛཱ་ཡི་དཾ (སཱི. སྱཱ.)] ཕ་ལཾ.
༢༦. ‘‘ཚ་ཏྟིཾ་ས་མྷི ཨི་ཏོ ཀ་པྤེ, ཨཱ་སེ་ཀོ དེ་ཝ་ག་ཛྫི་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ངྐོ་ལ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ངྐོ་ལ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཀི་ས་ལ་ཡ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༨. ‘‘ན་ག་རེ དྭཱ་ར་ཝ་ཏི་ཡཱ, མཱ་ལཱ་ཝ་ཙྪོ མ་མཾ ཨ་ཧུ;
ཨུ་ད་པཱ་ནོ ཙ ཏ་ཏྠེ་ཝ, པཱ་ད་པཱ་ནཾ ཝི་རོ་ཧ་ནོ.
༢༩. ‘‘ས་བ་ལེ་ན ཨུ་པ་ཏྠ་དྡྷོ, སི་དྡྷ་ཏྠོ ཨ་པ་རཱ་ཛི་ཏོ;
མ་མཱ་ནུ་ཀ་མྤ་མཱ་ནོ སོ, ག་ཙྪ་ཏེ ཨ་ནི་ལ་ཉྫ་སེ.
༣༠. ‘‘ཨ་ཉྙཾ ཀི་ཉྩི ན པ་སྶཱ་མི, པཱུ་ཛཱ་ཡོ་གྒཾ མ་ཧེ་སི་ནོ;
ཨ་སོ་ཀཾ པ་ལླ་ཝཾ དི་སྭཱ, ཨཱ་ཀཱ་སེ ཨུ་ཀྑི་པིཾ ཨ་ཧཾ.
༣༡. ‘‘བུ་དྡྷ་སྶ ཏེ ཀི་ས་ལ་ཡཱ, ག་ཙྪ་ཏོ ཡ་ནྟི པ་ཙྪ་ཏོ;
ཏཱ་ཧཾ དི་སྭཱ་ན སཾ་ཝི་ཛིཾ [སོ་ཧཾ དི་སྭཱ་ན ཏཾ ཨི་དྡྷིཾ (སཱི. སྱཱ.)], ཨ་ཧོ བུ་དྡྷ་སྶུ་ལཱ༹་ར་ཏཱ.
༣༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, པ་ལླ་ཝཾ ཨ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༣. ‘‘ས་ཏྟ་ཏིཾ་སེ [ས་ཏྟ་ཝཱི་སེ (སཱི. སྱཱ.)] ཨི་ཏོ ཀ་པྤེ, ཨེ་ཀོ ཨེ་ཀི་སྶ་རོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀི་ས་ལ་ཡ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀི་ས་ལ་ཡ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཏི་ནྡུ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༥. ‘‘གི་རི་དུ་གྒ་ཙ་རོ ཨཱ་སིཾ, མ་ཀྐ་ཊོ ཐཱ་མ་ཝེ་གི་ཀོ;
ཕ་ལི་ནཾ ཏི་ནྡུ་ཀཾ དི་སྭཱ, བུ་དྡྷ་སེ་ཊྛཾ ཨ་ནུ་སྶ་རིཾ.
༣༦. ‘‘ནི་ཀྑ་མི་ཏྭཱ ཀ་ཏི་པཱ་ཧཾ, ཝི་ཙི་ནིཾ ལོ་ཀ་ནཱ་ཡ་ཀཾ;
པ་ས་ནྣ་ཙི་ཏྟོ སུ་མ་ནོ, སི་དྡྷ་ཏྠཾ ཏི་བྷ་ཝ་ནྟ་གུཾ.
༣༧. ‘‘མ་མ ས་ངྐ་པྤ་མ་ཉྙཱ་ཡ, ས་ཏྠཱ ལོ་ཀེ ཨ་ནུ་ཏྟ་རོ;
ཁཱི་ཎཱ་ས་ཝ་ས་ཧ་སྶེ་ཧི, ཨཱ་ག་ཙྪི མ་མ ས་ནྟི་ཀཾ.
༣༨. ‘‘པཱ་མོ་ཛྫཾ ཛ་ན་ཡི་ཏྭཱ་ན, ཕ་ལ་ཧ་ཏྠོ ཨུ་པཱ་ག་མིཾ;
པ་ཊི་གྒ་ཧེ་སི བྷ་ག་ཝཱ, ས་བྦ་ཉྙཱུ ཝ་ད་ཏཾ ཝ་རོ.
༣༩. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཕ་ལཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༤༠. ‘‘ས་ཏྟ་པ་ཉྙཱ་ས་ཀ་པྤ་མྷི, ཨུ་པ་ན་ནྡ་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་ནྡུ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་ནྡུ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. མུ་ཊྛི་པཱུ་ཛ་ཀ་ཏྠེ་ར་ཨ་པ་དཱ་ནཾ
༤༢. ‘‘སུ་མེ་དྷོ ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
པ་ཙྪི་མེ ཨ་ནུ་ཀ་མྤཱ་ཡ, པ་དྷཱ་ནཾ པ་ད་ཧཱི ཛི་ནོ.
༤༣. ‘‘ཏ་སྶ ཙ་ངྐ་མ་མཱ་ན་སྶ, དྭི་པ་དི་ནྡ་སྶ ཏཱ་དི་ནོ;
གི་རི་ནེ་ལ་སྶ པུ་པྥཱ་ནཾ, མུ་ཊྛིཾ བུ་དྡྷ་སྶ རོ་པ་ཡིཾ.
༤༤. ‘‘ཏེ་ན ཙི་ཏྟ་པྤ་སཱ་དེ་ན, སུ་ཀྐ་མཱུ་ལེ་ན ཙོ་དི་ཏོ;
ཏིཾ་ས་ཀ་པྤ་ས་ཧ་སྶཱ་ནི, དུ་གྒ་ཏིཾ ནུ་པ་པ་ཛྫ་ཧཾ.
༤༥. ‘‘ཏེ་ཝཱི་ས་ཏི་ཀ་པྤ་ས་ཏེ, སུ་ནེ་ལོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཨེ་ཀོ ཨཱ་སིཾ མ་ཧ་བྦ་ལོ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མུ་ཊྛི་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མུ་ཊྛི་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཀིཾ་ཀ་ཎི་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༤༧. ‘‘སུ་མ་ངྒ་ལོ་ཏི ནཱ་མེ་ན, ས་ཡ་མྦྷཱུ ཨ་པ་རཱ་ཛི་ཏོ;
པ་ཝ་ནཱ ནི་ཀྑ་མི་ཏྭཱ་ན, ན་ག་རཾ པཱ་ཝི་སཱི ཛི་ནོ.
༤༨. ‘‘པི་ཎྜ་ཙཱ་རཾ ཙ་རི་ཏྭཱ་ན, ནི་ཀྑ་མྨ ན་ག་རཱ མུ་ནི;
ཀ་ཏ་ཀི་ཙྩོ་ཝ ས་མྦུ་དྡྷོ, སོ ཝ་སཱི ཝ་ན་མ་ནྟ་རེ.
༤༩. ‘‘ཀིཾ་ཀ་ཎི་པུ་པྥཾ པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ;
པ་ས་ནྣ་ཙི་ཏྟོ སུ་མ་ནོ, ས་ཡ་མྦྷུ་སྶ མ་ཧེ་སི་ནོ.
༥༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥༡. ‘‘ཚ་ལཱ༹་སཱི་ཏི་མྷི་ཏོ ཀ་པྤེ, ཨ་པི་ལཱ་སི་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀིཾ་ཀ་ཎི་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀིཾ་ཀ་ཎི་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. ཡཱུ་ཐི་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༥༣. ‘‘པ་དུ་མུ་ཏྟ་རོ ནཱ་མ ཛི་ནོ, ཨཱ་ཧུ་ཏཱི་ནཾ པ་ཊི་གྒ་ཧོ;
པ་ཝ་ནཱ ནི་ཀྑ་མི་ཏྭཱ་ན, ཝི་ཧཱ་རཾ ཡཱ་ཏི ཙ་ཀྑུ་མཱ.
༥༤. ‘‘ཨུ་བྷོ ཧ་ཏྠེ་ཧི པ་གྒ་ཡ྄ཧ, ཡཱུ་ཐི་ཀཾ པུ་པྥ་མུ་ཏྟ་མཾ;
བུ་དྡྷ་སྶ ཨ་བྷི་རོ་པ་ཡིཾ, མེ་ཏྟ་ཙི་ཏྟ་སྶ ཏཱ་དི་ནོ.
༥༥. ‘‘ཏེ་ན ཙི་ཏྟ་པྤ་སཱ་དེ་ན, ཨ་ནུ་བྷོ་ཏྭཱ་ན ས་མྤ་དཱ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༥༦. ‘‘ཨི་ཏོ པ་ཉྙཱ་ས་ཀ་པྤེ་སུ, ཨེ་ཀོ ཨཱ་སིཾ ཛ་ནཱ་དྷི་པོ;
ས་མི་ཏྟ་ན་ནྡ་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.
༥༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡཱུ་ཐི་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཡཱུ་ཐི་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ཏ་མཱ་ལ་པུ་པྥི་ཡ་ཝ་གྒོ ཝཱི་ས་ཏི་མོ.
ཏ་སྶུ་དྡཱ་ནཾ –
ཏ་མཱ་ལ་ཏི་ཎ་ས་ནྠཱ་རོ, ཁ་ཎྜ་ཕུ་ལླི ཨ་སོ་ཀི་ཡོ;
ཨ་ངྐོ་ལ་ཀཱི ཀི་ས་ལ་ཡོ, ཏི་ནྡུ་ཀོ ནེ་ལ་པུ་པྥི་ཡོ;
ཀིཾ་ཀ་ཎི་ཀོ ཡཱུ་ཐི་ཀོ ཙ, གཱ་ཐཱ པ་ཉྙཱ་ས ཨ་ཊྛ ཙཱ་ཏི.
ཨ་ཐ ཝ་གྒུ་དྡཱ་ནཾ –
བྷི་ཀྑཱ་དཱ་ཡཱི པ་རི་ཝཱ་རོ, སེ་རེ་ཡྻོ སོ་བྷི་ཏོ ཏ་ཐཱ;
ཚ་ཏྟ་ཉྩ བ་ནྡྷུ་ཛཱི་ཝཱི ཙ, སུ་པཱ་རི་ཙ་རི་ཡོ་པི ཙ.
ཀུ་མུ་དོ ཀུ་ཊ་ཛོ ཙེ་ཝ, ཏ་མཱ་ལི ད་ས་མོ ཀ་ཏོ;
ཚ་ས་ཏཱ་ནི ཙ གཱ་ཐཱ་ནི, ཚ་ས་ཊྛི ཙ ཏ་ཏུ་ཏྟ་རི.
བྷི་ཀྑཱ་ཝ་གྒ་ད་ས་ཀཾ.