༡. ཏ་མཱ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ཙུ་ལླཱ་སཱི་ཏི་ས་ཧ་སྶཱ་ནི, ཐ་མྦྷཱ སོ་ཝ་ཎྞ་ཡཱ ཨ་ཧཱུ;
དེ་ཝ་ལ་ཊྛི་པ་ཊི་བྷཱ་གཾ, ཝི་མཱ་ནཾ མེ སུ་ནི་མྨི་ཏཾ.
༢. ‘‘ཏ་མཱ་ལ་པུ་པྥཾ པ་གྒ་ཡ྄ཧ, ཝི་པྤ་ས་ནྣེ་ན ཙེ་ཏ་སཱ;
བུ་དྡྷ་སྶ ཨ་བྷི་རོ་པ་ཡིཾ, སི་ཁི་ནོ ལོ་ཀ་བ་ནྡྷུ་ནོ.
༣. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤. ‘‘ཨི་ཏོ ཝཱི་ས་ཏི་མེ ཀ་པྤེ, ཙ་ནྡ་ཏི་ཏྟོ་ཏི ཨེ་ཀ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་མཱ་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏ་མཱ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.