༦. ཨ་ངྐོ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༢༩. ‘‘ནཱ་ར་དོ [ཝ་ར་དོ (ཀ.)] ཨི་ཏི མེ ནཱ་མཾ, ཀ་སྶ་པོ ཨི་ཏི མཾ ཝི་དཱུ;
ཨ་དྡ་སཾ ས་མ་ཎཱ་ན་གྒཾ, ཝི་པ་སྶིཾ དེ་ཝ་ས་ཀྐ་ཏཾ.
༣༠. ‘‘ཨ་ནུ་བྱ་ཉྫ་ན་དྷ་རཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ཨ་ངྐོ་ལ་པུ་པྥཾ [ཝ་ཀུ་ལ་པུ་པྥཾ (སྱཱ.), བ་ཀོ་ལ་པུ་པྥཾ (ཀ.)] པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༣༡. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༢. ‘‘ཙ་ཏུ་ས་ཏྟ་ཏི་ཏོ ཀ་པྤེ, རོ་མ་སོ ནཱ་མ ཁ་ཏྟི་ཡོ;
ཨཱ་མུ་ཀྐ་མཱ་ལཱ་བྷ་ར་ཎོ, ས་ཡོ་གྒ་བ་ལ་ཝཱ་ཧ་ནོ.
༣༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ངྐོ་ལ་པུ་པྥི་ཡོ [ཝ་ཀུ་ལ་པུ་པྥི་ཡོ (སྱཱ.), བ་ཀོ་ལ་པུ་པྥི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ངྐོ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.