༧. སོ་ཝ་ཎྞ་ཝ་ཊཾ་ས་ཀི་ཡ་ཏྠེ་ར་ཨ་པ་དཱ་ནཾ
༣༤. ‘‘ཨུ་ཡྻཱ་ན་བྷཱུ་མིཾ ནི་ཡྻ་ནྟོ, ཨ་དྡ་སཾ ལོ་ཀ་ནཱ་ཡ་ཀཾ;
ཝ་ཊཾ་ས་ཀཾ ག་ཧེ་ཏྭཱ་ན, སོ་ཝ་ཎྞཾ སཱ་དྷུ་ནི་མྨི་ཏཾ.
༣༥. ‘‘སཱི་གྷཾ ཏ་ཏོ ས་མཱ་རུ་ཡ྄ཧ, ཧ་ཏྠི་ཀྑ་ནྡྷ་ག་ཏོ ཨ་ཧཾ;
བུ་དྡྷ་སྶ ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.
༣༦. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༣༧. ‘‘ས་ཏྟ་ཝཱི་སེ ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
མ་ཧཱ་པ་ཏཱ་པ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༣༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སོ་ཝ་ཎྞ་ཝ་ཊཾ་ས་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སོ་ཝ་ཎྞ་ཝ་ཊཾ་ས་ཀི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.