༥. ཨ་བྱཱ་དྷི་ཀ་ཏྠེ་ར་ཨ་པ་དཱ་ནཾ

༢༤. ‘‘ཝི་པ་སྶི་སྶ བྷ་ག་ཝ་ཏོ, ཨ་གྒི་སཱ་ལཾ ཨ་དཱ་ས་ཧཾ;

བྱཱ་དྷི་ཀཱ་ན་ཉྩ ཨཱ་ཝཱ་སཾ, ཨུ་ཎྷོ་ད་ཀ་པ་ཊི་གྒ་ཧཾ.

༢༥. ‘‘ཏེ་ན ཀ་མྨེ་ན་ཡཾ མ་ཡ྄ཧཾ, ཨ་ཏྟ་བྷཱ་ཝོ སུ་ནི་མྨི་ཏོ;

བྱཱ་དྷཱ་ཧཾ ནཱ་བྷི་ཛཱ་ནཱ་མི, པུ་ཉྙ་ཀ་མྨ་སྶི་དཾ ཕ་ལཾ.

༢༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ སཱ་ལ་མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ཨ་གྒི་སཱ་ལཱ་ཡི་དཾ ཕ་ལཾ.

༢༧. ‘‘ཨི་ཏོ ཙ ས་ཏྟ་མེ ཀ་པྤེ, ཨེ་ཀོ་སིཾ ཨ་པ་རཱ་ཛི་ཏོ [ཨེ་ཀོ ཨཱ་སིཾ ན་རཱ་དྷི་པོ (སྱཱ.)];

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༢༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨ་བྱཱ་དྷི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨ་བྱཱ་དྷི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.