༤. ཨཱ་ར་ཀྑ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༩. ‘‘སི་དྡྷ་ཏྠ་སྶ བྷ་ག་ཝ་ཏོ, ཝེ་དི ཀཱ་རཱ་པི་ཏཱ [ཝེ་དི་ཀཱ ཀཱ་རི་ཏཱ (སྱཱ.)] མ་ཡཱ;
ཨཱ་ར་ཀྑོ ཙ མ་ཡཱ དི་ནྣོ, སུ་ག་ཏ་སྶ མ་ཧེ་སི་ནོ.
༢༠. ‘‘ཏེ་ན ཀ་མྨ་ཝི་སེ་སེ་ན, ན པ་སྶིཾ བྷ་ཡ་བྷེ་ར་ཝཾ;
ཀུ་ཧི་ཉྩི ཨུ་པ་པ་ནྣ་སྶ, ཏཱ་སོ མ་ཡ྄ཧཾ ན ཝི་ཛྫ་ཏི.
༢༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཝེ་དིཾ ཀཱ་ར་ཡིཾ པུ་རེ;
དུ་གྒ་ཏིཾ ནཱ་བྷི་ཛཱ་ནཱ་མི, ཝེ་དི་ཀཱ་ཡ ཨི་དཾ ཕ་ལཾ.
༢༢. ‘‘ཨི་ཏོ ཚ་ཊྛ་མྷི ཀ་པྤ་མྷི, ཨ་པ་སྶེ་ན་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ར་ཀྑ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ར་ཀྑ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.