༩. ཨེ་ཀ་ཙཱ་རི་ཡ་ཏྠེ་ར་ཨ་པ་དཱ་ནཾ
༥༡. ‘‘ཏཱ་ཝ་ཏིཾ་སེ་སུ དེ་ཝེ་སུ, མ་ཧཱ་གྷོ་སོ ཏ་དཱ ཨ་ཧུ;
བུ་དྡྷོ ཙ ལོ་ཀེ ནི་བྦཱ་ཏི, མ་ཡ་ཉྩ་མྷ ས་རཱ་གི་ནོ.
༥༢. ‘‘ཏེ་སཾ སཾ་ཝེ་ག་ཛཱ་ཏཱ་ནཾ, སོ་ཀ་ས་ལླ་ས་མ་ངྒི་ནཾ;
ས་བ་ལེ་ན ཨུ་པ་ཏྠ་དྡྷོ, ཨ་ག་མཾ བུ་དྡྷ་ས་ནྟི་ཀཾ.
༥༣. ‘‘མ་ནྡཱ་ར་ཝཾ ག་ཧེ་ཏྭཱ་ན, ས་ངྒཱི་ཏི [ས་ཎྷི་ཏཾ (སཱི.), ས་ངྒི་ཏཾ (སྱཱ.)] ཨ་བྷི་ནི་མྨི་ཏཾ;
པ་རི་ནི་བྦུ་ཏ་ཀཱ་ལ་མྷི, བུ་དྡྷ་སྶ ཨ་བྷི་རོ་པ་ཡིཾ.
༥༤. ‘‘ས་བྦེ དེ་ཝཱ་ནུ་མོ་དིཾ་སུ, ཨ་ཙྪ་རཱ་ཡོ ཙ མེ ཏ་དཱ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༥༥. ‘‘ས་ཊྛི་ཀ་པྤ་ས་ཧ་སྶ་མྷི, ཨི་ཏོ སོ་ལ༹་ས ཏེ ཛ་ནཱ;
མ་ཧཱ་མ་ལླ་ཛ་ནཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.
༥༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ཙཱ་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ཙཱ་རི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.