༣. ར་ཏྟི་པུ་པྥི་ཡ་ཏྠེ་ར་ཨ་པ་དཱ་ནཾ
༡༣. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ;
ཝི་པ་སྶིཾ ཨ་དྡ་སཾ བུ་དྡྷཾ, དེ་ཝ་དེ་ཝཾ ན་རཱ་ས་བྷཾ.
༡༤. ‘‘ར་ཏྟི་ཀཾ པུ་པྥི་ཏཾ དི་སྭཱ, ཀུ་ཊ་ཛཾ དྷ་ར་ཎཱི་རུ་ཧཾ;
ས་མཱུ་ལཾ པ་གྒ་ཧེ་ཏྭཱ་ན, ཨུ་པ་ནེ་སིཾ མ་ཧེ་སི་ནོ.
༡༥. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་དཱ་ན་སྶི་དཾ ཕ་ལཾ.
༡༦. ‘‘ཨི་ཏོ ཙ ཨ་ཊྛ་མེ ཀ་པྤེ, སུ་པྤ་ས་ནྣ་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, རཱ་ཛཱ་ཧོ་སིཾ མ་ཧ་བྦ་ལོ.
༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ར་ཏྟི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ར་ཏྟི་པུ་པྥི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.