༡. ཀུ་མུ་ད་མཱ་ལི་ཡ་ཏྠེ་ར་ཨ་པ་དཱ་ནཾ
༡. ‘‘པ་བྦ་ཏེ ཧི་མ་ཝ་ནྟ་མྷི, མ་ཧཱ་ཛཱ་ཏ་སྶ་རོ ཨ་ཧུ;
ཏ་ཏྠ་ཛོ ར་ཀྑ་སོ ཨཱ་སིཾ, གྷོ་ར་རཱུ་པོ མ་ཧ་བྦ་ལོ.
༢. ‘‘ཀུ་མུ་དཾ པུ་པྥ་ཏེ ཏ་ཏྠ, ཙ་ཀྐ་མ་ཏྟཱ་ནི ཛཱ་ཡ་རེ;
ཨོ་ཙི་ནཱ་མི ཙ ཏཾ པུ་པྥཾ, བ་ལི་ནོ ས་མི་ཏིཾ ཏ་དཱ.
༣. ‘‘ཨ་ཏྠ་ད་སྶཱི ཏུ བྷ་ག་ཝཱ, དྭི་པ་དི་ནྡོ ན་རཱ་ས་བྷོ;
པུ་པྥ་ས་ངྐོ་ཙི་ཏཾ [པུ་པྥཾ ས་ངྐོ་ཙི་ཏཾ (སཱི. སྱཱ.), པུ་པྥཾ ས་མོ་ཙི་ཏཾ (?)] དི་སྭཱ, ཨཱ་ག་ཙྪི མ་མ ས་ནྟི་ཀཾ.
༤. ‘‘ཨུ་པཱ་ག་ཏ་ཉྩ ས་མྦུ་དྡྷཾ, དེ་ཝ་དེ་ཝཾ ན་རཱ་ས་བྷཾ;
ས་བྦ་ཉྩ པུ་པྥཾ པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༥. ‘‘ཡཱ་ཝ་ཏཱ ཧི་མ་ཝ་ནྟ་ནྟཱ, པ་རི་སཱ སཱ [ཧི་མ་ཝ་ནྟ་སྨིཾ, ཡཱ་ཝ མཱ་ལཱ (སྱཱ.)] ཏ་དཱ ཨ་ཧུ;
ཏཱ་ཝ་ཙྪ་ད་ན་ས་མྤ་ནྣོ, ཨ་ག་མཱ་སི ཏ་ཐཱ་ག་ཏོ.
༦. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༧. ‘‘ཨི་ཏོ པ་ནྣ་ར་སེ ཀ་པྤེ, ས་ཏྟཱ་ཧེ་སུཾ ཛ་ནཱ་དྷི་པཱ;
ས་ཧ་སྶ་ར་ཐ་ནཱ་མཱ ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.
༨. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀུ་མུ་ད་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀུ་མུ་ད་མཱ་ལི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.